web counter
LEXO PA REKLAMA!

SHKARKO APP

App Store
Google Play

4 vite nga shembja e Teatrit Kombëtar/ Protestë sot në orën 18:30

17 Maj 2024, 10:42, Aktualitet CNA
4 vite nga shembja e Teatrit Kombëtar/ Protestë sot në orën
Shembja e Teatrit Kombëtar

Aleanca për Mbrojtjen e Teatrit ka njoftuar qytetarët dhe artistët që të mblidhen sot në orën 18:30 te sheshi i Teatrit Kombëtar, pasi shënohen 4 vite nga shembja e godinës.

Në reagim theksohet se qendresa dhe beteja do të vijojnë pa kushte, deri në arrestimin e mafiozit Veliaj dhe çuarjen e tij pas hekurave. 

"Të Nderuar Qendrestarë, Miq dhe Mbështetës të Aleancës për Mbrojtjen e Teatrit. Ju ftojmë të na bashkoheni nesër, më datë 17 maj 2024, ora 18.30, te Sheshi i Teatrit Kombëtar. Kur bëhen 4 vite nga shembja barbare e ikonës së Tiranës dhe Shqipërisë, mblidhemi nesër te ai Shesh i Shenjtë, që nuk e tradhëtuam kurrë e për asgjë, jo për të bërë homazhe, por për të treguar se si rezultat i betejës sonë pa kushte, jemi shumë afër fitores. Qendresa dhe beteja jonë prej 7 vitesh, me 48 kallëzime në SPAK, me 1 fitore në Gjykatë Kushtetuese, me kërkesë të pranuar në GJEDNJ, e detyroi këtë të fundit, të thërrasë vrasësin e Teatrit dhe Tiranës, banditin Erion Veliaj. Qendresa dhe beteja jonë, do vijojë pa kushte, deri në arrestimin e mafiozit Veliajt, dhe çuarjen e tij pas hekurave. E të gjithë atyre që u bënë pjesë e këtij krimi. Po kështu, sigurojmë të gjithë publikun, se me paratë e atyre që e shembën, do rindërtojmë teatrin aty dhe ashtu siç ishte", thuhet në reagim. 

Sot shënohen 4 vite nga shembja e godinës së Teatrit Kombëtar në Tiranë.

Pavarësisht premtimeve se do të ndërtohet një teatër modern, hapësira e rrethuar për ngritjen e teatrit të ri vijon të jetë bosh. 

Kujtojmë që të dielën e 17 majit 2020 fadromat rrëzuan muret e ndërtesës së vjetër ku shumë objekte me vlera artistike dhe shpirtërore përfunduan në një grumbull intertesh.

4 vite më parë, kryetari i Bashkisë së Tiranës, Erion Veliaj, u zotua se Teatri i ri Kombëtar do të përfundonte përpara fundit të mandatit të tij të dytë, pra në 2023-shin. Por një gjë e tillë nuk ka ndodhur dhe nuk janë të pakta premtimet që nuk janë mbajtur nga kreu i Bashkisë së Tiranës./CNA 





Lajmet e fundit nga