web counter
LEXO PA REKLAMA!

SHKARKO APP

App Store
Google Play

E fundit!

x

Sulmi i Veliajt ndaj mediave/ Rama zbulon bisedën: Ja çfarë i thashë

16 Maj 2024, 21:27, Aktualitet CNA

Sulmi i Veliajt ndaj mediave/ Rama zbulon bisedën: Ja çfarë i

Kryeministri Edi Rama ka komentuar sulmin e Erion Veliajt ndaj mediave pas daljes nga SPAK , ku qëndroi përreth 7 orësh duke dëshmuar për aferën e inceneratorëve.

Gjatë një interviste në emisionin Opinion, Rama zbuloi bisedën me Veliajn kur i ka thënë që sulmi ndaj mediave ka qenë një gabim shumë i madh.

Numri 1 i qeverisë u shpreh qartë se mesazhi për Veliajn është se ai nuk e mbron.  

Pjesë nga intervista

Fevziu: A ishte fjalimi juaj dhe adresimi juaj një mesazh për Erion Veliajn?

Rama: Mesazhet për Veliajn i kam të thjeshta fare, një tekst, telefonat një mesazh, një takim. Që unë nuk mbroj..

Fevziu: Ju thatë që mbroni vetëm Zaon se të tjerët asnjë.

Rama: O zotëri unë këtë e kam thënë 1 mijë herë, jo po prapë se shiko. Unë jam ndryshe Fezo. Ky është thelbi dhe ju nuk doni ta pranoni, ok mos e pranoni. Jam ndryshe mor shok, jam ndryshe. Unë ato gjëra që them i mendoj.

Fevziu: Meqë kishe vetëm një mesazh të shkurtër, një tekst apo një telefonat  me Veliajn, a i the gjë për qëndrimin që ai mbajti duke akuzuar një sërë gazetarësh pasi doli nga SPAK?

Rama: Po, i thash. Gabim shumë i madh.

Fevziu: Pse?

Rama: Sepse unë personalisht kam patuar shumë herë reagime ndaj medias. Por, nuk kam sulmuar kurrë një me emër, një person, sepse këto sulme nuk janë sulme të denja për kë do qoftë që ka një funksion të lartë dhe që ka një raport që lidhet me rolin e tij institucional./ CNA





Lajmet e fundit nga