web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e policit në Fier/ Balla: Duhet një politikë e re penale, drejtësia të japë dënim ekzemplar

16 Maj 2024, 16:19, Aktualitet CNA
Vrasja e policit në Fier/ Balla: Duhet një politikë e re penale,
Ministri i Brendshëm Taulant Balla

Ministri i Brendshëm Taulant Balla ka deklaruar sot nga Kuvendi se Shqipërisë i duhet një politikë e re penale, duke marrë shkas nga vrasja e policit në Fier.

Balla i bëri thirrje drejtësisë që hetojë me paanshmëri vrasjen e punonjësit të policisë dhe të japë dënim ekzemplar për autorin.

Ministri theksoi dhe një herë se ndëshkimi i drejtësisë për këdo që ngre dorë kundër punonjësit me uniformë, duhetë të jetë i ashpër siç e parashikon Kodi Penal.

“Nëse qytetari mendon se ka të drejtë ndërsa punonjës i Policisë e ka gabim, qytetari ka të gjithë të drejtën madje ka dhe të gjithë mekanizmat ta apelojë vendimin e Policisë në rrugë administrative, gjyqësore. Por çdo veprim kundërshtimi nuk mund dhe nuk duhet të tolerohet. Thirrja e punonjësit të Policisë është thirrje për t’u zbatuar. Kush nuk është dakord me urdhrin apo vendimin e punonjësit të Policisë, të marrë avokatin.

Kuvendi e ka bërë detyrën e vetë, se ka miratuar aktet ligjore. Na duhet të vendosim një standard të ri sa i përket autoritetit të punonjësit të Policisë së Shtetit.

Ne, Kuvendi dhe qeveria e bashkë me shoqërinë, nuk duhet të pranojmë kurrsesi dhe raste ku përfshihen edhe deputetët kur shkojnë të shtyhen të fyejnë, të kërcënojnë, të kanosin me dhunë dhe duke vënë në rrezik jetën e punonjësve të Policisë së Shtetit. Është koha pra që të jepen shembuj konkret të zbatimit sipas germës dhe frymës së Kodit Penal duke vendosur një standard të ri, ndaj kujtdo që ngre dorë ndaj punonjësit të Policisë së Shtetit. Kjo duhet të ndodhë kudo, e pa asnjë hezitim.

I bëj thirrje drejtësisë ta hetojë me paanshmëri, ngjarjen e fundit dhe të japë një dënim ekzemplar”, tha Balla./ CNA





Lajmet e fundit nga