web counter
LEXO PA REKLAMA!

SHKARKO APP

App Store
Google Play

E fundit!

x

Turi i Ramës në Diasporë, PD padi në SPAK: Po harxhon 2 milionë euro

16 Maj 2024, 12:30, Aktualitet CNA

Partia Demokratike ka depozituar një padi në SPAK ndaj kryeministrit Edi Rama lidhur me turin që ka ndërmarrë për takimet me emigrantët në Diasporë. 

Sekretari për Diasporën, Indrit Hoxha, u shpreh në një deklaratë për mediat se Rama po harxhon mbi 2 milionë euro nga buxheti i shtetit për realizimin e këtij turi.

Ai thekson se kryeministri nuk mund të vazhdojë të manipulojë apo të vjedhë votat e shqiptarëve.

“Një emision investigativ ka nxjerrë me zë dhe figurë titullarë dhe drejtues të institucioneve të ndryshme në Shqipëri, të cilët kanë mbushur furgonat e autobusët, kanë detyruar administratën të shkojë në takimin e kryeministrit në Athinë. Kjo është një gjë e patolerueshme për opozitën shqiptare. Kryeministri nuk mund të vazhdojë të manipulojë e vjedhë votat e shqiptarëve dhe atë që ka bërë në Shqipëri tashmë kërkon ta bëjë në Diasporë. Të gjitha faktet tashmë janë në SPAK. Në ditët në vijim nga selia e PD-së ne do të kemi deklarata ku do të tregojmë çdo fakt tjetër që lidhet me këto lëvizje të kryeministrit dhe me abuzimin e taksave të shqiptarëve. Cilido që ka vendosur dorë mbi taksat e shqiptarëve do të japë llogari përpara drejtësisë. Shifrat kalojnë vlerën e 2 milionë eurove që kryeministri do të zhvillojë në të pestat takimet në Athinë, Milano, Londër, Dyseldorf për agjendën që ka paraqitur, por përveç vlerës ekonomike ka të bëjë me detyrimin e administratës publike, i cili i organizon dhe i çon nëpër këto vende për të mbushur sallat e luksit nëpër këto takime 'show' në cilësinë e kryetarit të PS dhe jo të kryeministrit të vendit dhe nuk i kanë asnjë borxh qytetarët shqiptarë se përse duhet të paguajnë nga xhepi i tyre për këto vlera monetare kryetarin e PS-së”, u shpreh Hoxha./CNA 





Lajmet e fundit nga