E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Sot, sërish protestë para Bashkisë Tiranë/ Kërkohet dorëheqja e Veliajt

16 Maj 2024, 10:36, Aktualitet CNA

Lëvizja Bashkë njofton se sot në orën 18:30 do të zhvillojë një protestë para Bashkisë Tiranë, ku do të kërkohet dorëheqja e Erion Veliajt.

Nën moton "Erion Veliaj shko te shokët", pritet që të zhvillohet protesta para këtij institucioni.

Protesta do të zhvillohet për skandalet korruptive që kanë ndodhur në Bashkinë e Tiranës, ku një sërë drejtorësh të Veliajt janë në pranga pas hetimeve të SPAK-ut.

Reagimi i plotë:

ERION VELIAJ SHKO TE SHOKËT!
Erion Veliaj është i zhytur deri në grykë në korrupsion. Bashkë me drejtorët e tij, ai e ka kthyer Bashkinë e Tiranës në një organizatë me tipare të theksuara kriminale, ku çdo ditë planifikohet zhvatja e qytetarëve.
Erion Veliaj është personalisht përgjegjës për vjedhjen e miliona eurove prej inceneratorit fantazmë të Tiranës.
Erion Veliaj është përgjegjës për miliona eurot që drejtorët e tij vidhnin përmes kompanisë 5D.
Erion Veliaj është përgjegjës për qindra leje ndërtimi që jepen çdo vit në Tiranë, përmes të cilave pastrohen paratë e krimit të organizuar dhe zhduken hapësirat publike.
Erion Veliaj është përgjegjës për përdorimin e parave të korrupsionit dhe lejet e ndërtimit në blerjen e shumicës dërrmuese të televizioneve, duke i kthyer këto të fundit në altoparlantë propagandistikë.
Erion Veliaj është përgjegjës i drejtëpërdrejt për shembjen e Teatrit Kombëtar vetëm me firmën e tij.
Erion Veliaj është përgjegjës për dëbimin e mijëra familjeve nga shtëpitë e tyre në emër të procesit fund e krye korruptiv të rindërtimit pas tërmetit të 2019.
Erion Veliaj është përgjegjës për vrasjen e punëtorit adoleshent Ardit Gjoklaj në gusht të 2016 në landfillin e Sharrës.
Tirana e shpërfytyruar nga egërsia korruptive e Erion Veliajt po kthehet në një qytet gjithnjë e më pak të jetueshëm, pa parqe e gjelbërim, pa hapësira publike e shkolla të mjaftueshme për fëmijët, me trafik të rënduar e shërbime publike të degraduara, me krizë strehimi dhe rreth 3000 qytetarë që vdesin prej sëmundjeve të shkaktuara prej ndotjes së ajrit.
Çdo ditë që Erion Veliaj qëndron në krye të Bashkisë së Tiranës është inkurajim i korrupsionit në çdo institucion publik.
Erion Veliaj e ka vendin te shokët e tij: NË BURG.
Lëvizja BASHKË fton të gjithë qytetarët në protestë përpara Bashkisë së Tiranës! Të enjten në orën 18:30. BASHKË kundër korrupsionit! Tirana dhe Shqipëria meritojnë të qeverisen me ndershmëri!/CNA