web counter
LEXO PA REKLAMA!

SHKARKO APP

App Store
Google Play

E fundit!

x

Dosja “5D”/ CNA sjell nesër detaje nga afera 

15 Maj 2024, 20:46, Aktualitet CNA

Dosja “5D”/ CNA sjell nesër detaje nga afera 

“5D” është skema më korruptive, pas asaj të inceneratorëve, e cila është quajtur ndryshe dhe si afera e shekullit.

SPAK ka kryer hetime dhe ka zbardhur hajdutërinë që kanë bërë drejtorët e institucionit të Bashkisë Tiranë, në krye të të cilit qëndron Erion Veliaj, duke përfituar miliona euro me tenderët.

Në datën 28 mars të 2024, SPAK-u arrestoi drejtorët hajdutë të Erion Veliajt në Bashkinë e Tiranës.

Mariglen Qato, ish-drejtor i Shërbimeve Mbështetëse pranë UKT-së Tiranë dhe Redi Molla, ish-drejtor i Ujësjellës Kanalizimeve Tiranë, u vunë në pranga, ndërkohë pati një urdhër tjetër arresti për Taulant Tushën, i cili ndodhet prapa hekurave për inceneratorin e Tiranës.

Në detyrim me paraqitje u vunë drejtorë të tjerë të Bashkisë Tiranë si Eglantina Zere, Enton Punavija, Deborah Keçi, Julian Zanaj, dhe biznesmeni Nestor Muhametllari.

CNA zbardhi detajet nga dosja hetimore, ku tregohej kërdia që kishin bërë drejtorët e Veliajt me tenderët.

Hetimet vazhdojnë dhe CNA ditë pas dite do të sjellë detaje të reja nga skema korruptive e dosjes 5D.

Nesër do të bëhen publike të tjera detaje, dokumente, fakte dhe prova që tregojnë se si kryebashkiaku Erion Veliaj ka qenë kreu i organizatës së drejtorëve hajdutë.

Veliaj nuk i njihte drejtorët e tij por u dha atyre pallate dhe tenderë. Kjo skemë i shtrin tentakulat e saj dhe tek inceneratorët. Fijet korruptive të aferës 5D do të zgjidhen një nga një.

CNA do t’i shkojë deri në fund kësaj dosje. Nesër do të publikohen detaje të reja, si gjithnjë të faktuara me prova dhe dokumente./ CNA





Lajmet e fundit nga