Gogu i lexon Ligjin, “Babalja” kërcënon Ministrin e Brendshëm

15 Maj 2024, 22:41, Aktualitet CNA

Gogu i lexon Ligjin, “Babalja” kërcënon Ministrin e

Ervin Salianji

Vetëm pas 5 orësh Ervin Salianji si Kryetar i Komisionit Hetimor për Çeshtjen TIMS, arriti të kuptojë ato që i thuheshin nga përfaqësuesit socialistë.

Ju deshën 5 orë që të kuptonte se:

1- në një sallë ku trajtohet informacion sensitiv, dyert rrinë të mbyllura dhe

2- në një sallë ku deklarohet informacion sensitiv, dëgjuesit duhet të jenë të pajisur me certifikatë sigurie.

Pas 5 orësh që secili prej përfaqësuesve të mazhorancës i lexonte dhe i rilexonte këto fjali, të njëjtat fjali, Salianji arriti përqëndrimin e mjaftueshëm për të kuptuar çfarë i thoshin.

Dhe vetëm pas 5 orësh votoi si Çeçua, atë që kërkonin socialistët.

Në daljen e vet përpara gazetarëve nënkryetari Gogu , shpjegoi për gazetarët situatën absurde në të cilën Babalja mbajti për 5 orë rresht një debat shterpë, pa objekt dhe pa logjikë.

"Kam orë që dëgjoj një maskaradë paligjshmërie dhe vishet edhe maska e shout. Parlamenti po heton një nga çështjet e sigurisë kombëtare. Kemi thirrur dëshmitarët dhe ata janë paraqitur.

Shteti ka ardhur sepse vlerëson se është një çështje sensitive. Në momentin që sekreti shtetëror duhet t’u paraqitet deputetëve rezulton që një grup deputetësh rezultojnë pa certifikatë sigurie. Kur kërkesat hidhen për votim janë procedurale. Në paligjshmëri të plotë, në vendimin e ndërmjetëm për dyer të mbyllura, kryetari futi edhe ca kërkesa të tjera.

Në momenti kur kishte pyetje, ministri tha se kam informacion por është sekret shtetëror. Ne jemi të gatshëm të vazhdojmë punën e emisionit. Ka mjaftueshëm deputetë që e kanë certifikatën e sigurisë. Mbledhja mund të vazhdonte dhe u kërkua që të gjithë të merrnin pjesë duke u pajisur me certifikatë sigurie.”

Ndërkohë Salianji, bëri një dalje të vetën ku shfaqej konfuz derisa filloi edhe të kërcënonte Ministrin e Brendshëm.

"Mbledhja nuk është mbyllur, provojë të ikësh, do përfundosh si ai tjetri aty poshtë do shkosh për ndjeje penale si shokët e tu. Ishit të gjithë me media të hapur si PS kërkoi që mbledhja të zhvillohet me deputetët të pa pajisur me certifikatë sigurie por të jetë e mbyllur për arsye të informacionit konfidencial, tani thonë ta shtyjnë sepse s’kanë certifikatë sigurie. Unë nuk marr përsipër të shkel ligjin që PS të mbulojë diçka që ka për të mbuluar.

Tani u bojkotua për momentin nga PS. Dëshmitarë po presin në radhë për të dëshmuar. Ka një vendim të prokurorisë që ka sjellë Ervin Muçën që po pret në kat të parë. Sapo e morën vesh kërcyen nga belaja, sepse e dinë që ka një vendim të prokurorisë që përcakton konturet ligjore të kësaj çështjeje. Mbledhja është e hapur, vazhdimi bëhet sipas ligjit. Kush nuk e respekton, ne do vijojmë me depozitimin në SPAK për ata që braktisin detyrën” tha Salianji.

Duket se shqetësimet e Salianjit nuk janë më çështje për tu trajtuar nga ndonjë psikologe, sado e zonja të jetë ajo në profesion.

Babalja duket se ka probleme më të rënda. Imagjinoni pak PD-në të mbetur në dorë të Babales!/ CNA