web counter
LEXO PA REKLAMA!

SHKARKO APP

App Store
Google Play

Marrëveshja për emigrantët/ Meloni: Nëse funksionon, do të jetë model

16 Maj 2024, 14:15, Aktualitet CNA
Marrëveshja për emigrantët/ Meloni: Nëse funksionon, do
Kryeministrja italiane, Giorgia Meloni

Marrëveshja e emigrantëve mes italisë dhe Shqipërisë ka pasur reagime pro dhe kundër, pasi nga disa vende nuk është parë si një nga zgjidhjet më të mira.

Por për kryeministren italiane, Giorgia Meloni, nëse marrëveshja funksionon do të jetë një model për shtete të tjera, të cilat kanë shfaqur interes për të mësuar më shumë detaje.

Meloni tregon se gjatë një takimi që ka pasur me kryeministrin çek, ai ka kërkuar të mësojë më shumë lidhur me përmbajtjen e marrëveshjes.

“Le të themi se është bërë gjithçka që është e mundur për të ngadalësuar punën tonë, por ne vazhdojmë dhe rezultatet vijnë ngadalë. Jo me shpejtësinë që të gjithë shpresonim, por rezultatet po vijnë. Deri më sot, emigrantët e paligjshëm në rrugën e Mesdheut Qendror janë ulur me më shumë se 60% krahasuar me të njëjtën periudhë të një viti më parë. Pra, pak nga pak kjo punë po jep fryte dhe është një rrugë e ndjekur tashmë në Bashkimin Evropian. Ndaj kam besim se edhe falë votës së qytetarëve, ne mund t’i themi përfundimisht Evropës se kjo është rruga që duhet ndjekur. Nuk është jashtëligjshme është krejtësisht e realizueshme dhe them më shumë: nëse funksionon mund të jetë model dhe disa shtete po na pyesin se si funksionon, mes tyre edhe Çekia. E konsideroj shumë interesante, për mendimin tim është një iniciativë që duhet të përsëritet”, është shprehur ndër të tjera Meloni, lidhur me këtë pakt që Shqipëria dhe Italia e kanë zyrtarizuar në nëntor të vitit që lamë pas./ CNA





Lajmet e fundit nga