web counter
LEXO PA REKLAMA!

SHKARKO APP

App Store
Google Play

E fundit!

x

Zbërthimi i Sky ECC/ SPAK lëshon 50 urdhër-arreste, kontrolle në banesat e "kokave" të krimit

17 Maj 2024, 08:52, Aktualitet CNA
Zbërthimi i Sky ECC/ SPAK lëshon 50 urdhër-arreste, kontrolle
Foto nga aksioni i policisë

Që prej orëve të para të mëngjesit vijon aksioni i policisë me urdhër të SPAK-ut, ku janë në terren forcat RENEA, FNSH-ja dhe forcat e rendit. 

Raportohet se po ushtrohen kontrolle në disa qytete për të ekzekutuar 50 urdhër-arreste të lëshuara nga GJKKO. Kontrollet po zhvillohen në disa qytete dhe fshatra si Tiranë, Vlorë, Lezhë, Fushë-Krujë, Nikël, Kurbin.

Mediat raportojnë se urdhër-arreste janë lëshuar edhe për vëllezërit Astrit dhe Altin Avdylaj dhe Durim e Valter Bami, të cilët dyshohet se ndodhen në Dubai. Por policia ka zhvilluar kontrolle në banesat e tyre në Nikël të Fushë-Krujës. 

Ndërkohë në zonën e Freskut në Tiranë po kryhen kontrolle në banesat e Erlis dhe Leonard Dukës, armiq të Ervis Martinajt. 

Në qytetin e Lezhës kontrollet po vijojnë në lagjen ‘SMT’ ku kanë ushtruar kontrolle në një pallat dhe në Vlorë në banesën e Fatmir Hysenit (Doca).

Në Larushk të Fushë-Krujës është kontrolluar shtëpia e Albert Zajës, i dënuar me 19 vite burg nga Apeli i GJKKO-së për vrasjen e Shkëlzen Kastratit.

Urdhër-arrestet janë lëshuar pas zbërthimit të aplikacionit "Sky ECC"./CNA 

 





Lajmet e fundit nga