E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Abuzimi skandaloz me Festivalin e Këngës/ Alfred Peza milioneri “kapet mat” me skenografët italianë

29 Prill 2024, 22:14, Aktualitet CNA

Alfred Peza

Ditë pas dite CNA ka denoncuar se si Alfred Peza, drejtori i RTSH-së ka abuzuar me Festivalin e 62 të Këngës në RTSH.

Një faturë që kap shifrën e 600 milionë lekëve sipas një preventivi të përgjithshëm, por mund të tejkëlojë dhe më tej shifrat me të gjitha zullumet që ka bërë Alfred Peza së bashku me bashkëpunëtorët e tij në RTSH.

Dalin shifrat/ Abuzimet me Festivalin e 62-të të RTSH-së
26 Shkurt, 15:06

CNA solli dokumentet, ku tregonte se vetëm një vit më parë, skenografia kishte kushtuar 60 milionë lekë, ndërsa këtë vit ka kushtuar më shumë se dyfishin, rreth 140 milionë lekë.

Sipas dokumenteve të publikuara nga CNA dukej shumë qart se paratë e festivalit ishin bërë rrush e kumbulla dhe për këtë Alfred Peza duhet të japë llogari.(LEXO KETU)

Por nuk përfundon këtu.

Sot është tradhëtuar nga Leka Bungo, kryetari i Këshillit Drejtues në RTSH, të cilit i është kërkuar llogari në Komisionin e Medias për shkarkimet e punonjësve dhe abuzimet me fondet, por të gjithë përgjegjësinë e ka kaluar tek Alfred Peza.

Ai deklaroi se Këshilli Drejtues nuk ka tagër për shkarkimet e punonjësve.

“Këshilli drejtuesi i RTSH nuk ka asnjë tagër për largime apo pushime nga puna të punonjësve të këtij institucioni. Këshilli Drejtues nuk ka as të drejtë të kontrollojë, as të ndërhyjë dhe as të thotë 'po' e 'jo' për largimet apo emërimet në RTSH.

Këshilli Drejtues ka tagër për të marrë vendime për fondet që kalojnë 1 milion e 800 e ca mijë lekë”, u shpreh ai.

Pas kësaj, mister Alfred Peza milioneri është fotografuar teksa po darkon me skenografët italianë të festivalit të kaluar.

CNA ka mundur të sigurojë këtë foto, të cilën po e bëjmë publike dhe për ju.

Alfred Peza me skenografët italianë

Çfarë e bën këtë takim interesant është fakti se Peza siç duket nuk po di si të rregullojë akoma letrat e festivalit, ku 140 milionë lekë të vjetra skenografi janë të pazbërthyera në zëra, ndërkohë që në preventiv zërat e skenografisë janë të gjitha të konsumuara!

Pra, 140 milionë lekë të thata duket se duhet të rregullohen mes palëve! Presim raportin e KLSH-së të kuptohet më shumë rreth këtij abuzimi skandaloz!/ CNA