web counter
LEXO PA REKLAMA!

SHKARKO APP

App Store
Google Play

Hije skandali te “Magjistratura”/ Kërkohet seancë dëgjimore me drejtorin e shkollës

29 Prill 2024, 12:01, Aktualitet CNA
Hije skandali te “Magjistratura”/ Kërkohet seancë
Komisioni i Ligjeve

Në Komisionin e Ligjeve u diskutua në lidhje me skandalin në Shkollën e Magjistratës me konkursin e pranimit, ku u fry lista e fituesve dita-ditës.

Opozita kërkoi të thërritet në një seancë dëgjimore drejtori i shkollës së Magjistraturës, Arben Rakipi, në mënyrë që të japë llogari për atë që po ndodh me konkursin.

Konkretisht këtë kërkesë e bëri nënkryetari i PD-së, Gazment Bardhi, i cili tha se nuk mund të heshtet para një procesi të veshur me hije skandali.

“Nuk mund të bëjmë sikur nuk e kemi parë atë që ka ndodhur në konkursin e shkollës së Magjistraturës. Kemi parë në media që lista e fituesve është shtuar 3 herë.

Ne si komision do të duhet të thërrasim në pyetje drejtorin e shkollës së Magjistraturës. Nëpërmjet këtij Komisioni të informohet edhe opinioni publik, të kuptohet se çfarë ka ndodhur me shkollën e Magjistraturës. Është hera e parë që ky proces vishet me hije skandali. Nga 70 fitues që u zgjuan në mëngjes, shkoi në 140 në darkë.

Të jem i sinqertë e kam lexuar reagimin e shkollës së Magjistraturës. Nuk kuptohet pse ditën e parë ishin 70, në darkë u bënë 120 dhe të nesërmen 140 fitues. Ju keni publike listën e patronazhistëve. 13 persona që kanë fituar janë në listën e patronazhistëve të PS-së. Nuk dua t’i paragjykoj, fakti që është patronazhist nuk do të thotë të mos bëjë karrierë, por duhet transparencë. Të mësojmë se çfarë ka ndodhur”, theksoi Bardhi./ CNA





Lajmet e fundit nga