web counter
LEXO PA REKLAMA!

SHKARKO APP

App Store
Google Play

Afera 60 milionë euro e dherave/ Gazetari Fundo zbërthen skemën: Një taksë e paguar nga qytetarët

29 Prill 2024, 11:46, Aktualitet CNA
Afera 60 milionë euro e dherave/ Gazetari Fundo zbërthen skemën:
Gazetari Elvi Fundo

Afera 60 milionë euro e dherave është një nga skemat më të mëdha korruptive, e cila lindi pas firmosjes së kontratës monopoliste koncesionare për landfillimin e Tiranës, ku përfshihej edhe ndërtimi i një inceneratori, i cili, sot, pas 7 vitesh, nuk ekziston.

Në një intervistë për CNA TV, gazetari Elvi Fundo tregon se si funksionon e gjithë skema dhe përfshirjen e Bashkisë Tiranë.

"Kompania merrte rreth 10 milionë dollarë nga shteti shqiptar dhe rreth 10 milionë dollarë të tjera i ka marrë nga dherat dhe këto para nuk dihet ku kanë përfunduar. Te dherat ka një detaj. Kompania koncesionare pretendon se është një marrëveshje privat-privat dhe ka vendosur një tarifë të jashtëligjshme. Megjithëse ka pasur një marrëveshje me qeverinë shqiptare për të pasur monopolin, me pretendimin, siç e ka thënë kryebashkiaku Veliaj, se është privat-privat. Çështja është se kemi të bëjmë me një marrëdhënie privat dhe një kompanie monopoliste. Kjo kompani, nëse nuk do të kishte dherat, do të detyrohej të merrte një leje në qeveri, një kodër për të marrë dherat, për të mbuluar plehrat.

Kjo kontratë bëri që Bashkia e Tiranës të vendosej në dispozicion të kompanisë koncesionare. Ishte bashkia që ndiqte nga pas ndërtuesit me dron, për t'i detyruar t'i çonin dherat, pa miratuar më përpara një tarifë. Koncesionari ka thënë t’i do të paguash 400 lekë të rinj për një metër kub dhe, 8 euro për një kub inerte. Në fakt ata kishin vetëm një peshore, pasi ishin vetë ndërtuesit që i çonin. Në rast se do të kishim një tarifë të miratuar, këto para që mund t’i merrte kompania koncesionare, duhet të ulnin kostot që paguajnë qytetarët e Tiranës për 29 euro/ton. Bashkia bën një marrëveshje, i shkon pas mendjes, saboton dhe NJZP-në dhe nuk çon përfaqësuesit e kjo ka çuar në një dëm prej 60 milionë eurosh, që kjo të bënte që kompania të merrte landfillin falas."

Gazetari sqaron se edhe te kjo aferë janë të përfshirë të njëjtët drejtorë tashmë të arrestuar për inceneratorin e Tiranës dhe dosjes “5D”, nga Taulant Tusha apo Mariglen Qato, ndërsa në lojë hyn edhe Ermal Kapllanaj, drejtori i Policisë Bashkiake, si edhe zyrtarë të tjerë të lartë.

"Duke qenë se bashkia jepte lejet e ndërtimit, këta kanë pasur dhe skemat e mbulimit të territorit, me inspektorët e ndërtimit, me inspektorët e mjedisit, me policët bashkiakë, të cilët ishin një strukturë e shtrirë në mënyrë katërpilare në terrenin e kryeqytetit. Këta mblidhnin informacionet dhe bënin bashkëpunimin me kompaninë e inceneratorit. Këta janë të njëjtët njerëz, të cilët janë marrë dhe me kompaninë ‘5D’. Do ta kishte të pamundur inceneratori i Tiranës të mblidhte 60 milionë euro dhera, nëse nuk do bashkëpunonte Mariglen Qato, Taulant Tusha, Ermal Kapllanaj. Kjo aferë është rënduar më shumë nga Bashkia e Tiranës, nga drejtorët e këtij institucioni, nga kreu i organizatës, Erion Veliaj, i cili ka qenë në dijeni, por i ka mbrojtur drejtorët. "

Afera 60 milionë euro e dherave/ Gazetari Fundo zbërthen skemën:
Marrëveshja e Bashkisë së Tiranës me kompaninë e inceneratorit të Tiranës
Afera 60 milionë euro e dherave/ Gazetari Fundo zbërthen skemën:
Marrëveshja e Bashkisë së Tiranës me kompaninë e inceneratorit të Tiranës
Afera 60 milionë euro e dherave/ Gazetari Fundo zbërthen skemën:
Marrëveshja e Bashkisë së Tiranës me kompaninë e inceneratorit të Tiranës

Më tej, Fundo sqaron se si afera e dherave është një taksë në kurrizin e qytetarëve të Tiranës.

 "Në momentin që një kompani ndërtimi i kushton një gropë 150-200 mijë euro, mund të bjerë 15 apo 20 euro për metër katror ndërtim, ai do ta faturojë te qytetari. Pra, qytetari që do të blejë apartamentin, do të paguajë gropën e dherave, për të cilat paratë i merr kompania e inceneratorit të Tiranës që nuk ekziston. Janë dy shuma parash që vijnë nga xhepat e qytetarëve dhe kanalizohen te kompania koncesionare."

Fundo sqaron edhe rolin e kryebashkiakut Erion Veliaj.

“Erion Veliaj ka qenë në dijeni, mendoj dhe dyshoj se e ka sabotuar me qëllim këtë gjë, që NJZP të mos mblidhte informacion mbi informacionet e këtyre parave dhe të mos ndërhynte qeveria për ta ndaluar këtë aferë. Për këtë aferë ai ka qenë në dijeni, se është raportuar nga shumë e shumë ndërtues”, u shpreh ai.

Fundo thekson se Veliaj nuk do të mund t'i shmanget drejtësisë.

“Së fundmi kryebashkiaku tha që do të paraqitet në SPAK, por nuk pranoi se është thirrur nga Prokuroria e Posaçme, por duke u përpjekur ta shesë veten si bashkëpunëtor të drejtësisë”, nënvizoi gazetari./ CNA TV

 




Lajmet e fundit nga