web counter
LEXO PA REKLAMA!

SHKARKO APP

App Store
Google Play

Inceneratori i Tiranës/ Gazetari: Ja ku e ka shkelur ligjin Erion Veliaj

29 Prill 2024, 19:28, Aktualitet CNA
Inceneratori i Tiranës/ Gazetari: Ja ku e ka shkelur ligjin Erion Veliaj
Gazetari Julian Hoxhaj

Gazetari Julian Hoxhaj ka folur për aferën e inceneratorit të Tiranës dhe shkeljet e ligjit që ka bërë kryebashkiaku në lidhje me këtë aferë.

I ftuar në emisionin "Task Force" me moderatoren Sonila Meço, Hoxhaj tha se, shkresa që postoi sot zoti Këlliçi e vitit 2017, e fismosur nga Erion Veliaj, i jep Veliajt garanci të palëkundura ndaj autoritetit kontraktor në atë kohë Ministrisë së Mjedisit.

Tek këto garanci i jepej edhe për pjesën e buxhetit dhe këtu ka shkelur Veliaj ligjin për pushtetin lokal sepse ai nuk mund të dilte mbi këshillin bashkiak për të dhënë garanci për një projekt që kërkonte angazhimin financiar të Bashkisë së Tiranës.

“Në dosjen e inceneratorit të Tiranës nuk u përfshi asnjëherë Erion Veliaj, sikur ndodhi me kreun e SPAK Altin Dumani që tek dosja e Arben Ahmetajt e ka përmendur rreth 11 herë Erion Veliajn si shtetas, pa asnjë ngarkesë institucionale.

Erion Veliaj në fillimet e koncensionit u soll si autoritet kontraktor, atë që ai e ka mohuar gjatë gjithë kohës. Veliaj ishte pala e interesuar direkte dhe këtë ai na e ka konfirmuar me deklarata të ndryshme.

Ajo që është e rëndësishme është shkresa që postoi sot zoti Këlliçi e vitit 2017, e fismosur nga Erion Veliaj, ajo shkresë që i jep Veliajt garanci të palëkundura ndaj autoritetit kontraktor në atë kohë – ministrisë së mjedisit.  Tek këto garanci i jepej edhe për pjesën e buxhetit dhe për pjesën e buxhetit këtu ka shkelur Veliaj ligjin për pushtetin lokal sepse Erion Veliaj nuk mund të dilte mbi këshillin bashkiak për të dhënë garanci për një projekt që kërkonte angazhimin financiar të Bashkisë së Tiranës.”/ CNA





Lajmet e fundit nga