E fundit!

14:44 Editorial

"Terroristët" e rrjeteve sociale duhen çuar para drejtësisë

Prej ditësh bizneset në Shqipëri u përballën me një fo...

Zbardhet email-i për Kuvendin/ Justifikimet e Alfred Pezës për shkarkimet dhe abuzimet në RTSH

29 Prill 2024, 14:16, Aktualitet CNA

Zbardhet email-i për Kuvendin/ Justifikimet e Alfred Pezës për

Fotomontazh - Alfred Peza, në sfond RTSH-ja

Opozita kërkoi një seancë dëgjimore në Komisionin e Medias me drejtorin e RTSH-së, Alfred Peza, në lidhje me shkarkimet masive të punonjësve dhe abuzimet në RTSH.

Por këtë të hënë Peza nuk ka shkuar vetë në seancë dëgjimore. Ai ka dërguar në Komisionin e Medias Leka Bungon, kryetarin e Këshillit Drejtues të RTSH-së dhe anëtarë të këshillit.

“Masakra” në RTSH me shkarkimet dhe fondet/ Alfred Peza përdor Leka Bungon
29 Prill, 10:40

Duke iu shmangur përballjes së drejtpërdrejtë dhe dhënies së llogarisë, Peza është fshehur pas Leka Bungos dhe pas email-eve.

CNA ka zbardhur email-in që RTSH-ja i ka dërguar Kuvendit, ku thotë se pushimet nga puna nuk shqyrtohen nga komisionet parlamentare, por nga seksionet gjyqësore.

Zbardhet email-i për Kuvendin/ Justifikimet e Alfred Pezës për

“Në këtë aspekt, në lidhje me pretendimet mbi pushimet nga puna në Radio Televizionin Shqiptar, sqarohet se ato janë objekt i shqyrtimit nga ana e seksioneve gjyqësore administrative dhe jo të Komisioneve Parlamentare të cilat nuk mund të marrin rolin e dhe atributet e një pushteti tjetër të pavarur prej saj, siç është ai gjyqësor në këtë rast”, thuhet në email.

Zbardhet email-i për Kuvendin/ Justifikimet e Alfred Pezës për

Peza nuk ka pranuar të japë sqarim as për fondet e RTSH-së dhe të Festivalit të Këngës, i cili në 2023-shin kushtoi më shumë se asnjë herë tjetër.

Në përgjigjen për Kuvendin theksohet se fondet përcaktohen nga Bordi i Administrimit dhe nuk reflektohen nga drejtori.

“Është Bordi Artistik ai që miraton projektet nga ana profesionale dhe më pas është Bordi i Administrimit i përbërë nga disa prej ekspertëve më të mirë të fushës ai që i paraqet Këshillit Drejtues të RTSH raportin për shpenzimet dhe të ardhurat në formë raportesh financiare, mujore, tremujore dhe gjashtëmujore, pasi ka marrë të dhënat e nevojshme nga departamentet dhe sektorët e RTSH-së,

Përveç kësaj, në Drejtorinë e Përgjithshme të RTSH sapo ka përfunduar Auditimi i përputhshmërisë ekonomiko – financiare nga Kontrolli i Lartë i Shtetit për të cilin ende jemi në pritje të vendimit final për miratimin e Raportit Përfundimtar.

Në këto kushte, seanca dëgjimore në lidhje me shkarkimet nga puna dhe përdorimin e fondeve nga Drejtoria e Përgjithshme e RTSH-së, është një kërkesë, që nuk reflektohet në parimet e ushtrimit të detyrave dhe përgjegjësive të Drejtorisë së Përgjithshme të RTSH-së”, nënvizohet në email.

Zbardhet email-i për Kuvendin/ Justifikimet e Alfred Pezës për