web counter
LEXO PA REKLAMA!

SHKARKO APP

App Store
Google Play

Përzgjidhet logoja kombëtare e 80-vjetorit të Çlirimit të Shqipërisë

29 Prill 2024, 16:29, Aktualitet CNA

Përzgjidhet logoja kombëtare e 80-vjetorit të Çlirimit

Memoriali ikonë “Nëna Shqipëri” do të jetë logoja kombëtare e 80-vjetorit të Çlirimit të Shqipërisë e përzgjedhur nga komisioni i posaçëm i ngritur pranë Ministrisë së Ekonomisë, Kulturës dhe Inovacionit.

Logoja kombëtare e 80-vjetorit të Çlirimit të Shqipërisë që mban autorësinë e Ejona Karkinit, do të jetë simbolikë përfaqësuese dhe do të shoqërojë evenimentet zyrtare dhe shkresat protokollare të Institucioneve Qendrore Shtetërore, si pjesë identifikuese e festimeve dhe si imazh gjatë zhvillimit të aktiviteteve në 2024, shpallur si viti mbarëkombëtar i 80-Vjetorit të Çlirimit të Shqipërisë me vendim të Këshillit të Ministrave datë 17.01.2024.

Imazhi i logos u prezantua për herë të parë sot pranë Drejtorisë së Përgjithshme të Arkivave, pasi tashmë të gjitha autoritetet publike në vend do të kenë në shkresa këtë logo deri në përfundim të vitit.

80-vjetori i Çlirimit është miratuar si vit jubilar mbarëkombëtar nga Këshilli i Ministrave, në nder të heronjve e dëshmorëve që i dhuruan lirinë këtij vendi./ CNA





Lajmet e fundit nga