web counter
LEXO PA REKLAMA!

SHKARKO APP

App Store
Google Play

Leka Bungo shet Alfred Pezën: Ai nuk pyet për mua

29 Prill 2024, 14:57, Aktualitet CNA
Leka Bungo shet Alfred Pezën: Ai nuk pyet për mua
Leka Bungo dhe Alfred Peza

Kryetari i Këshillit Drejtues të RTSH-së, Leka Bungo, ka shitur drejtorin e përgjithshëm të RTSH-së, duke ia lënë atij të gjitha përgjegjësitë për shkarkimet masive të punonjësve dhe abuzimet me fondet.

Bungo tha në Komisionin e Medias se Alfred Peza nuk e pyet për asgjë dhe nuk mund t’i kërkojë dot llogari për shkarkimet.

Madje, ai deklaroi se Peza nuk i ka dërguar në këshill as emërimet e stafit të tij, ndonëse i ka kërkuar disa herë që t’ia dërgojë.

“Nëse i them Drejtorit të Përgjithshëm "Pse e ke shkarkuar dikë?", ai mund të thotë "Po ti ku punon? Çfarë pune ke?". E kam këtu, Drejtori i Përgjithshëm ka të drejtë të shkarkojë ose emërojë, ne s'kemi asnjë të drejtë. Tani unë po ju them vetëm një fakt dhe të më falë drejtori se nuk është këtu, për disa probleme në Këshillin Drejtues, unë vetë e kam mburrur, por një çështje që është tepër serioze është se kemi 8 muaj që Drejtori i Përgjithshëm nuk sjell në Këshill drejtues për emërimet e stafit të vet. I ka emëruar dhe nuk i sjell”, u shpreh kryetari i Këshillit Drejtues të RTSH-së.

Bungo theksoi se Peza nuk bën transparencë të Këshillit, ndaj edhe nuk mund ta kontrollojë.

“Drejtori i Përgjithshëm është autoriteti më i madh pas Kryeministrit të vendit. Ka një raport jo fort transparent mes Ekzekutivit dhe Këshillit Drejtues që nuk ka tagër dhe instrumente për ta kontrolluar”, nënvizoi Leka Bungo./ CNA





Lajmet e fundit nga