Java e Madhe e Pashkës në CNA TV

29 Prill 2024, 18:08, Aktualitet CNA

Besimtarët orthodoksë festojnë javën e fundit të jetës së Krishtit që zyrtarisht quhet Java e Pësimit, ose siç njihet ndryshe si "Java e Madhe e Pashkës".

Gjatë Javës së Madhe të Pashkës, CNA TV do të transmetojë çdo ditë një dokumentar special dhe një material për shenjtorin e ditës.

Ashtu siç kemi vepruar edhe me komunitetet e tjera fetare dhe gjatë muajit të madh të Ramazanit, edhe gjatë Javës së Madhe të Pashkës, CNA TV do të transmetojë materiale për shenjtorët e ditës, aktivitete fetare dhe shërbesa të veçanta, të cilat kryhen në të gjitha kishat.

Çdo ditë e Javës së Madhe ka temën e veçantë të saj. Tema e së Hënës është ajo e drurit të fikut që nuk kishte fruta, por vetëm gjethe dhe për këtë u dënua me tharje. Të Martën, theksi është në vigjilencën e virgjëreshave të ditura, të cilat, jo si motrat e tyre të marra, ishin gati kur Zoti erdhi tek ato. Të Mërkurën, fokusi është në pendimin e gruas mëkatare.

Në këto tre ditë këndohet Ungjilli gjatë Orëve dhe në Mbrëmësoret, kur shërbehet Mesha e Dhuratave të Parashenjtëruara. Këndimet nga Dhiata e Vjetër janë prej Eksodit, Jobit dhe Profetëve.

Të enjten do të mbahet mesha e Shën Vasilit të Madh, si dhe do të bëhet leximi i 12 Ungjujve. Të premten janë Zbritja nga Kryqi, Vajtimet e Përmbivarrshme dhe takimi i Epifatëve.

Të shtunën është mesha e Shën Vasilit të Madh dhe në mbrëmje do të mbahet Shërbesa e Ngjalljes. Sa i përket të dielës së Madhe, do të mbahet Shërbesa e Dashurisë.

Të gjitha këto aktivitete do të transmetohen në CNA TV çdo ditë. Gjithashtu, ditën e diel CNA TV do të transmetojë filmin e Mel Gibson “The Passion of the Christ- Pasioni i Krishtit”.

Ndiqni në CNA TV dokumentarët informativë, dokumentarët e kishës, materialet për shenjtorët dhe festoni me ne Javën e Madhe të Pashkës.

Ja si e gjeni CNA.al dhe CNA HD TV/ Media më dinamike
18 Qershor, 13:58

At Grigor Pelushi në një intervistë për CNA TV ka treguar ngjarjet e mëdha që përfaqësojnë këtë Javë të Shenjtë.

“Që në momentin e Zotit Krisht kur hyn në Jeruzalem nis edhe momenti i ditëve të tij të fundit në këtë Tokë.

Hyrja e tij në mënyrë triumfante në Jeruzalem që shkaktoi të smirën e klasës fetare, i shkaktoi dhe ati vdekjen.

Kemi ngjarjet me radhë. Kisha jonë e Shenjtë, të Hënën e Madhe na kujton Për Josifin e Dhjatës së Vjetër.

Gjithashtu e Marta e Madhe është një ditë shumë e rëndësishme ku fokusi i kësaj dite është pikërisht një tregim që Krishti tregon për 10 Virgjerëshat.

Kemi kaluar tre ditë nga ajo Hyrje e Madhe e Krishtit në Jeruzalem dhe vjen e Mërkura e Madhe. Një nga të dymbëdhjetët i cili qëndroi shumë pranë Zotit Krisht, qëndroi me të për tre vjet, ishte me të, hëngri me të, qëndroi pranë Tij, i pa të gjitha mrekullitë.

Dhe çfarë bën ky. Shkon dhe e shet Krishtin tek klasa fetare, për 30 monedha argjendi.

Më pas kemi të Enjten e Madhe, që është darka mistike që është një nga ngjarjet më të rëndësishme të jetës së Krishtertë, të adhurimit të krishtertë

Kemi themelimin e Misterit të Shenjtë, ku Zoti merr nxënësit e tij në një dhomë ku ai kishte caktuar se ku do mblidheshin dhe pikërisht aty Zoti themelon Misterin e Shenjtë, misterin e Falenderimit Hyjnor.

E Premtja e Madhe është pikërisht dita e kryqëzimit.

E shtuna e madhe njihet si një ditë ku Krishti shkon dhe predikon aty ku gjendeshin shpirtrat e atyre njerëzve të drejtë.

Të shtunën në mesnatë vjen lajmi i Ngjalljes së Krishtit.

Ditën e diel, është dhe dita finale e jetës e misionit të Zotit Krisht”, tregoi At Grigor Pelushi./ CNA