web counter
LEXO PA REKLAMA!

SHKARKO APP

App Store
Google Play

“Veliaj nuk po shkon me dëshirë në SPAK, është thirrur”/ Gjokutaj: Të pendohet

29 Prill 2024, 18:50, Aktualitet CNA
“Veliaj nuk po shkon me dëshirë në SPAK, është
Avokati Genc Gjokutaj

Avokati Genc Gjokutaj ka deklaruar se kryebashkiaku Erion Veliaj nuk po shkon me dëshirën e tij në SPAK, por sepse e kanë thirrur.

I ftuar në emisionin "Task Force" me moderatoren Sonila Meço, Gjokutaj i ka rekomanduar Veliajt që të pendohet pasi mund të marrë në qafë zyrtarë të tjerë që kanë vendosur shpatullat pas burgut.

“Përse merr rrugën ‘me këmbët e tij’, sikundër po thotë, megjithëse atje të marrin, të thërrasin nuk shkon njeri me dëshirë. Çështja është çfarë do të thotë Veliaj në SPAK. Do i rekomandoja Veliajt që të pendohet, pasi mund të jenë marrë në qafë zyrtarë të tjerë që i kanë vendosur shpatullat burgut sot, vetëm se ai është Kryetar Bashkie”, tha Gjokutaj.

Në vijim, avokati tha se Veliaj e trajton SPAK si një strukturë private, sikur ky ka bërë investime për ti shëndoshur financiarisht.

“Ai shkon dhe i quan kolegë ata prokurorët e SPAK, madje thotë se do të negocioj orën me SPAK se kur do të shkojë. E gjithë kjo është skenografia e një marrëdhënieje rozë mes SPAK dhe Bashkisë së Tiranës. Ky është relativizim i realitetit të zi që ka Bashkia e Tiranës. Ky e trajton këtë thirrjen në SPAK sikur po shkon të pijë kafe me ca njerëz që ka ca kohë që si ka takuar”, tha Gjokutaj./ CNA





Lajmet e fundit nga