Fakte – Pallate dhe kompleks/ 4 lejet e ndërtimit që Veliaj u dha drejtorëve hajdutë

17 Maj 2024, 12:04, Aktualitet CNA

Fakte – Pallate dhe kompleks/ 4 lejet e ndërtimit që Veliaj u

Erion Veliaj

Disa drejtorë të Bashkisë së Tiranës ndodhen në burg, të tjerë në detyrim paraqitje, ndërsa të tjerë pritet të arrestohen për aferat në Bashkinë e Tiranës, siç janë ato të inceneratorëve dhe dosjes “5D”, të cilat CNA i ka denoncuar dita-ditës.(lexo këtu)

Sot CNA po sjell të tjera detaje nga dosja “5D”, ku janë të zhytur drejtorë të rëndësishëm të Erion Veliajt si Mariglen Qato, Redi Molla, Elvin Tivari, Taulant Tusha, por edhe zyrtarë të tjerë, të cilët po hetohen nga SPAK-u.

Mariglen Qato, Erion Veliaj, Redi Molla, Fatos Tusha

Në krye të tyre qëndron kryebashkiaku Erion Veliaj, i cili ka deklaruar se ai dhe drejtorët hajdutë janë një organizatë, ndonëse pretendon se nuk ka pasur dijeni për vjedhjet në Bashkinë e Tiranës dhe për gjëmat që janë bërë me “5D”-në.(lexo këtu)

Megjithatë, janë të paktën 5 tenderë dhe 4 leje ndërtimi për pallate që mbajnë firmën e kryebashkiakut Erion Veliaj dhe janë fituar nga kompania “5D Construction” e drejtorëve të Veliajt.

Sot ne po sjellim 4 lejet për pallate, ndërsa nesër do të sjellim edhe tenderët.

Pallati te “Sali Nivica”

Kompania “5D Konstruksion” rezulton të ketë përfituar edhe një tjetër leje ndërtimi nga kryebashkiaku Erion Veliaj. Është një godinë banimi dhe shërbimesh me 3, 5, 7 dhe 8 kate me 1 kat parkim nëntokë, në rrugën “Sali Nivica” të Njësisë Administrative nr.2.

Pallati në Yzberisht

Në 11 mars të vitit 2021, kompania “5D Konstruksion” filloi punimet bazuar në lejen e ndërtimit të dhënë nga Erion Veliaj. Bëhet fjalë për rrugën “Joklin Persi”, në Yzberisht, ku sipas të dhënave, shoqëria ka ndërtuar një godinë banimi dhe shërbimi 8 dhe 9 kate, me dy kate parkim në tokë.

Fakte – Pallate dhe kompleks/ 4 lejet e ndërtimit që Veliaj u

Pallati në Kinostudio

Në datën 14 prill 2022, kompani “5D Konstruksion” përfitoi një tjetër leje ndërtimi nga Erion Veliaj, këtë herë në rrugën “Kahreman Ylli” në Kinostudio, për ndërtimin e një godine banimi dhe shërbimi 7 dhe 8 kate me 2 kate parkim nëntokë.

Fakte – Pallate dhe kompleks/ 4 lejet e ndërtimit që Veliaj u

Kompleksi te rruga “Zenel Bastari”

Në datën 14 qershor të vitit 2023, shoqëria “5D Konstruksion”, vetëm një muaj pas zgjedhjeve lokale, ku Veliaj mori mandatin e tretë, filloi punimet në rrugën “Zenel Bastari”, për projektin e ndërtimit të një godine banimi dhe shërbimi 4 dhe 9 kate me 2 kate të tjera banimi nëntokë.

Fakte – Pallate dhe kompleks/ 4 lejet e ndërtimit që Veliaj u