web counter
LEXO PA REKLAMA!

SHKARKO APP

App Store
Google Play

E fundit!

x

Si mashtronte Erion Veliaj për transportin publik falas

12 Maj 2024, 09:36, Politikë CNA

Kreu i Bashkisë së Tiranës, Erion Veliaj, ka bërë së fundmi një premtim për pensionistët.

Ai është shprehur se nga 1 janari 2025, për të gjithë pensionistët në kryeqytet do të ketë transport publik falas.

Një premtim ky që nuk dihet ende nëse do të mbahet apo jo nga kreu i bashkisë deri vitin e ardhshëm, pasi ai është thirrur nga SPAK-u, për disa afera korruptive që kanë ndodhur në institucionin që ai drejton. Bëhet fjalë për aferën e inceneratorëve dhe dosjen "5D". 


Por çfarë deklaronte Veliaj më 19 prill të 2023-shit për transportin publik falas?

Veliaj, gjatë fushatës që zhvilloi në kryeqytet, tallej me premtimet e demokratëve në Shkodër për transportin publik falas në këtë qytet.

"Ta provojnë o vëlla, ata një linjë kanë e s'e bëjnë dot falas. Sepse po të na provojnë që funksionon, e bëjmë edhe ne. Për sa kohë që njerëzit nuk gënjehen më dhe për sa kohë që njerëzit kanë kuptuar që qyl nuk ka, vetëm me punë mund të bëjmë gjithçka", shprehej Veliaj. 

Pra kryebashkiaku, jo vetëm që u ka vjedhur idenë e transportin publik falas demokratëve, por me atë që dikur ka bërë ironi, tani e jep vetë si premtim. 

Madje, transporti publik falas në kryeqytet ka qenë një premtim i bërë nga Belind Këlliçi gjatë fushatës së fundit për kreun e Bashkisë së Tiranës.

Pra, Veliaj kërkon të manipulojë opinionin publik./CNA


 





Lajmet e fundit nga