web counter
LEXO PA REKLAMA!

SHKARKO APP

App Store
Google Play

E fundit!

x

Rama, takim sot me emigrantët shqiptarë në Athinë: Krenar për ju!

12 Maj 2024, 08:28, Politikë CNA
Rama, takim sot me emigrantët shqiptarë në Athinë: Krenar
Edi Rama

Të dielën, kryeministri Edi Rama pritet të zhvillojë takimin me emigrantë shqiptarë në Greqi. Takimi i shumëkritikuar në vendin fqinj do të nisë në orën 11:00.

Kreu i qeverisë ka publikuar një video në rrjetet sociale pak momente më parë me moton “Krenar për ju”, ndërsa bashkëngjitur është flamuri shqiptar dhe ai grek.

Mediat greke raportojnë se qindra punonjës policie do të jenë në dispozicion për të siguruar lëvizjet e qeta të Edi Ramës në vendin ku do të zhvillohet fjalimi dhe për ta mbrojtur atë deri në momentin e largimit të tij.

Sipas informacioneve të "protothema.gr", Edi Rama do të shoqërohet nga afërsisht 150 persona. Në këtë shoqërim do të jenë anëtarë të kabinetit të tij, deputetë dhe 50 gazetarë, të cilët do të shkojnë direkt në Teatrin e mbyllur të Krishtlindjeve të Galatsit.

Fjalimi i tij do të mbahet rreth orës 11:00, por Edi Rama do të zhvillojë gjatë ditës edhe takime me bashkatdhetarë, anëtarë të partisë së tij dhe biznesmenë, si dhe pritet të shpërndajë broshurat për marrëdhëniet dypalëshe.

Pas përfundimit të takimeve, Rama do të pijë kafe me kolegët e tij në Galatsi, ndërsa në orën 18:00-19.00 do të shkojë në aeroport për t'u larguar nga Athina./CNA 





Lajmet e fundit nga