web counter
LEXO PA REKLAMA!

SHKARKO APP

App Store
Google Play

Projektligji për surrogacinë/ Berisha: Krim njerëzor, Rama po nxit abortet

10 Maj 2024, 12:59, Politikë CNA
Projektligji për surrogacinë/ Berisha: Krim njerëzor, Rama po
Sali Berisha

Ish-kryeminstri Sali Barisha, në takimin për projektligjin për surrogacisë, një nismë kjo e qeverisë Rama, u shpreh se është një krim evropian dhe njerëzor, i cili po dëmton familjet shqiptare. 

Sipas Berishës, Rama me këtë ligj po nxit abortet dhe sterilizimin. 

Fjala e Berishës: 

Të dashur të pranishëm, qytetarë dhe qytetare që ndiqni këtë takim të censuruar kushtuar një problemi themelor të kombit dhe të censuruar në mënyrën më të turpshme, më skandaloze nga shumica dërrmuese të medieve të kontrolluara nga qeveria.
Paçka se të gjithë pronarët e këtyre medieve kanë familje.
Punonjësit e tyre kanë familje dhe kjo konferencë ka si objektiv kryesor të paraqesë para shqiptarëve rrezikun madhor të ligjit Rama për surrogacinë. Për transformimin e nënës shqiptare, e cila duhet t’u them këtu se pa ndershmëri, pa moral, pa integritetin e saj ne si komb do ishim shuar jo një, por tre herë, ndoshta shekuj më parë.
Dhe tani Edi Rama me ligjin e tij zgjedh dekonfigurimin e plotë.
Shndërrimin pasi futi konceptet e superspekulantit Xhorxh Soros për Prindin 1 dhe Prindin 2, tani zgjedh konceptin e fermës apo fasonerisë për nënë shqiptare.
Zgjedh konceptin e dekonfigurimit të plotë të familjes.
Kjo është një përpjekje jashtë çdo lloji imagjinate.
Me këtë rast unë përshëndes Parlamentin Evropian që në një akt të përgjegjshëm, me një shumicë të jashtëzakonshme votash, shpalli surrogacinë që do të instalojë në Shqipëri Edi Rama me ligjin e tij, një krim evropian.
Për Shqipërinë, ky është krim kundër njerëzimit, kundër kombit shqiptar./CNA





Lajmet e fundit nga