web counter
LEXO PA REKLAMA!

SHKARKO APP

App Store
Google Play

Pse Fatmir Xhafaj kërkoi reformë mbi Reformën në Drejtësi

10 Maj 2024, 11:23, Politikë CNA

I quajtur enveristi i fundit, Fatmir Xhafaj, njeriu që drejtoi Komisionin e Reformës në Drejtësi në vitin 2015, tashmë ka propozuar një reformë mbi Reformën në Drejtësi.

Ka propozuar me materiale konkrete, me dokumente çuar ndërkombëtarëve, të cilat CNA i zbuloi sot, me draft-rezoluta, të cilat nëpër rreshta dhe detaje fshehin guximin e enveristit të fundit, atë që ai e pati të madh në parlament, gjë që nuk e kishte bërë as Plarent Ndreca dhe Toni Gogu, por e ka bërë me ndërkombëtarët dhe me dokumente ku në anglisht shkruan komisione bipartizane dhe në parlament shkon dhe përgatit draft-rezoluta ku opozita përjashtohet.

Nga ana tjetër, për hallet e familjes së tij, Fatmir Xhafaj, ato të hetimeve për ndërtimet e kullave në Tiranë gjatë kohës kur ka qenë në detyrë dhëndri i Fatmir Xhafajt, Ditjon Baboçi, apo për hallet e vëllezërve të tij, apo për hallet e Erion Veliajt, enveristi i fundit i bashkuar organizatës së hajdutëve të 99-çave në Bashkinë e Tiranës.

Fatmir Xhafaj, po kërkon të bëjë reformë mbi Reformën në Drejtësi dhe nuk po e kërkon si një hap të domosdoshëm që Agjencitë Shtetërore duhet të kenë në hapat që duhet të ndjekë Shqipëria drejt BE-së. (LEXO KETU)

Pse Fatmir Xhafaj kërkoi reformë mbi Reformën në
Ditjon Baboçi

Po e kërkon pikërisht në këto momente si një presion të hapur ndaj SPAK-ut për hallet e 99-çave dhe të Bashkisë Tiranë, për hallet e organizatës së hajdutëve, për hallet e tij.

Po e bën që të kontrollojë SPAK-un sepse Fatmir Xhafaj e di shumë mirë që pjesa më e madhe e atyre prokurorëve janë njerëz të pakapur prej tij, prej Edi Ramës, prej Erion Veliajt dhe prej kujtdo tjetër.

Po hetojnë me profesionalizëm dosjet që deri dje nuk mund të imagjinoheshin.

Fatmir Xhafaj e di shumë mirë që Altin Dumani nuk ia hap telefonin. E di shumë mirë, që as atij, as Veliajt, as Ramës & CO, e jo më 99-çave të tjerë.

Pse Fatmir Xhafaj kërkoi reformë mbi Reformën në
Altin Dumani, kreu i SPAK

Ashtu sikundër veprojnë dhe ata prokurorë, të cilët në vend që t’u jepet kurajë dhe mbështetje që të ecin përpara me hetimet, të zbardhin dosjet korruptive, për të shëruar një plagë thuajse të pashërueshme në Shqipëri, si korrupsioni, bëjnë skenarë me drafte kundër, me dokumente në gjuhën angleze dhënë ndërkombëtarëve me argumente të tjera, me rreshta kontrolli në të gjitha agjencitë ku nuk përjashtohet as SPAK-u, e kështu me radhë.

Po pse e bëjnë?

Është e thjeshtë dhe e kuptueshme.

Për shkak të zullumeve ku janë zhytur, për shkak të hetimeve që ka bërë SPAK-u, dhe Fatmir Xhafaj e di shumë mirë dhe është gati të bëhet kamikaz i Erion Veliajt dhe na thotë që 4 apo 10 drejtorë, nuk janë 200 drejtorë të Bashkisë Tiranë.

Në fakt, ky është një debat tjetër. Pse duhet të ketë 200 drejtorë Bashkia e Tiranës? Pse duhet të ketë 11 mijë punonjës? Mos është kjo një administratë e tejfryrë pikërisht për qoka, pikërisht për nepotizëm, pikërisht për korrupsion?

Poste të dubluara apo tribluara për të hapur vende pune për militantë, për patronazhistë, për 99-ça dhe neoenveristë, të cilët janë armata e tyre që sot sulmojnë SPAK-un dhe duan të na tregojnë se nuk janë problem nja 2, 3 a 4 drejtorë. (LEXO KETU)

Në fakt, ata 4 drejtorë apo 10 janë njerëzit kryesorë dhe bashkëpunëtorët më të ngushtë të Erion Veliajt. Janë njerëzit, të cilët u denoncuan dhe Erion Veliaj i mbrojti dhe u kallëzuan në SPAK e Erion Veliaj sërish i mbrojti dhe sot ai që është krimi më i madh është se enveristi i fundit, në krah të 99-çave, është bashkuar së bashku me Plarent Ndrecën, Toni Gogun dhe 99-çat e tjerë në mbrojtje të hajdutërisë dhe këtë e bëjnë me gjithë devotshmërinë për të sulmuar SPAK-un.

Atë SPAK, që në fakt nuk duhet ta kishte lënë jashtë hetimeve Plarent Ndrecën, atë SPAK që nuk duhet të lërë jashtë hetimeve vëllezërit e Fatmir Xhafajt, pasi trimëria më e madhe e këtij të fundit është që ka dorëzuar njërin prej vëllezërve për të shkuar drejt burgut, por të tjera hetime, të tjera dosje, të tjera skandale përfliten se janë në hetim nga SPAK-u.

Pse Fatmir Xhafaj kërkoi reformë mbi Reformën në
Fotomontazh- Erion Veliaj, Fatmir Xhafaj dhe Enver Hoxha

Dhe Fatmir Xhafaj nuk ka një hall, ka shumë, ndaj dhe ka zgjedhur të bëhet edhe më i devotshëm se shumë sharlatanë të tjerë politikë, a thua se është naiv dhe nuk e di se çfarë po bën.

Hallin duhet ta ketë kaq të madh sa dhe vetë nuk po ia del dot për të mbajtur vetën dhe për t’u treguar si një politikan karriere, por po sillet si një vartës i Erion Veliajt, po sillet si një 99-ç i lali Erit, enveristi i fundit po kthehet në një servil të kryebashkiakut të Tiranës, një bashkëpunëtor të disa hajdutëve që sipas tij s’i kishte takuar kurrë, por ka zgjedhur t’u bëjë avokatinë, edhe pse veten e ka shitur si babai i një Reforme në Drejtësi që do të luftonte korrupsionin.

Ky është Fatmir Xhafaj, i cili kërkon të bëjë reformë mbi Reformën në Drejtësi për të shpëtuar dhëndrin, vëllezërit, lali Erin, hajdutët e Bashkisë së Tiranës, 99-çat e organizatës së hajdutëve e kështu me radhë./ CNA

 





Lajmet e fundit nga