web counter
LEXO PA REKLAMA!

SHKARKO APP

App Store
Google Play

E fundit!

x

Ambasadori i BE-së, mesazh qeverisë: Mbështesni SPAK-un

10 Maj 2024, 10:47, Politikë CNA

Në Ditën e Drejtësisë, në mbledhjen e përbashkët vjetore, ambasadori i BE në Tiranë, Silvio Gonzato, theksoi se Reforma në Drejtësi është e pakthyeshme, ndërsa nënvizoi se SPAK-u duhet të mbështetet nga qeveria dhe institucionet.

Ambasadori i BE-së nënvizoi se me Reformën në Drejtësi është bërë shumë, por sigurisht ka ende punë për të bërë. 

“Ka shuma arsye për të festuar sot. Progresi i bërë nga SPAK-u kundër korrupsionit dhe krimit të organizuar. Pastrimi nga sistemi i drejtësisë i prokurorëve dhe gjyqtarëve të korruptuar... Është kërkuar shumë kurajë për të qenë krenarë me punën e bërë nga SPAK-u. Reforma në Drejtësi duhet të forcohet, duhet konsoliduar dhe duhet çuar përpara për të pasur më shumë rezultate. Këto rezultate t’u shërbejnë qytetarëve. Në këtë javë të Evropës kemi festuar në të gjithë vendin për gjithëpërfshirje në të drejtat e njeriut. Shqipëria ka bërë hapa të rëndësishëm në të gjitha këto fusha. Reforma në Drejtësi është e pakthyeshme, dhe arritjet e SPAK-ut duhet të jenë të pakthyeshme. Përpjekjet për të konsoliduar arritjet e SPAK-ut duhet të mbështeten nga të gjithë komponentët e shtetit duke përfshirë dhe qeverinë. Me këtë reformë është bërë shumë, por sigurisht ka ende punë për të bërë. Doja t'ju falënderoja për punën e bërë. BE mbështet institucionet e drejtësisë dhe do të vazhdojë ta bëjë. Ky takim është bërë me asistencën e BE-së. Ky është fakt që do vazhdojë mbështetjen ndaj BE-së", u shpreh ai./CNA 





Lajmet e fundit nga