web counter
LEXO PA REKLAMA!

SHKARKO APP

App Store
Google Play

E fundit!

x

Komisioni anti-SPAK/ Gjekmarkaj: Të pyetet Venecia

9 Maj 2024, 22:41, Politikë CNA
Komisioni anti-SPAK/ Gjekmarkaj: Të pyetet Venecia
Deputeti Agron Gjekmarkaj

Deputeti Agron Gjekmarkaj ka reaguar në lidhje me rezolutën e mazhorancës për ngritjen e një komisioni të posaçëm, i cili në fakt do të jetë një komision anti-SPAK.

Gjekmarkaj tha në emisionin e Erla Mëhillit se mazhoranca duhet të kishte ftuar opozitën realisht për hartimin e rezolutës.

Ai deklaroi se PS nuk mund t’i thotë opozitës që të ulen në tryezë dhe të pranojnë çdo nismë të tyre pa u konsultuar dhe pa e diskutuar.

Gjithashtu, deputeti nënvizoi se mazhoranca duhet të kishte marrë mendimin e Komisionit të Venecias për komisionin e posaçëm.

“Unë mendoj se mund të kishte marrë mendimin e Komisionit të Venecias dhe mund të ishte ftuar realisht opozita, për të marrë pjesë në këtë nismë, por duke marrë pjesë. Nuk mund të na vërë përballë një fakti të kryer e të na thuash hajdeni të bëheni pjesë e kësaj se dua unë dhe ndërkombëtarët. Ne ende nuk po e kuptojmë se çfarë është, është një lexim i zonjës Spiropali në grupin parlamentar dhe një lexim i kryeministrit Rama, ku u kuptua që ai po ndërton tezat elektorale mbi dy gjëra, aleanca me SPAK, pasi ai mund t’i bëjë kurban të gjithë deputetët. Unë kam dyshim sepse për 11 vite Rama është përpjekur ta mbajë larg opozitën, ta fus në kurth, kjo gjëja është gati komike dhe cinike…”, theksoi Gjekmarkaj./ CNA





Lajmet e fundit nga