web counter
LEXO PA REKLAMA!

SHKARKO APP

App Store
Google Play

Irena Gjoka me 3 mbiemra/ Berisha - ndërkombëtarëve: Mos u përpiqni t’u shisni gjizën për djathë shqiptarëve

9 Maj 2024, 21:03, Politikë CNA

Ish-kryeministri Sali Berisha denoncoi në protestën e përnatshme reformën në drejtësi dhe gjyqtaren Irena Gjoka, e cila rezulton se ka pasur 3 mbiemra.

Berisha bëri një apel për ndërkombëtarët, të cilëve u tha se nuk duhet t’i mendojnë shqiptarët si njerëz që nuk janë të zgjuar.

Ai theksoi se shqiptarët po e shohin se si reforma në drejtësi ka prodhuar gjyqtare si Irena Gjoka.

“Kam një apel për ndërkombëtarët. Mos i mendoni shqiptarët të pamençur, gaboheni rëndë shumë. Mos u përpiqni t’u shisni gjizën për djathë. Ka shumë defekte, por u garantoj se për intelekt nuk u ka munguar kurrë. Mbrapshtia e tyre në histori nuk vijnë nga mungesa e intelektit, vijnë nga tipare të tjera. Por ai nuk u ka munguar. Mos shisni...

Ja fytyra e drejtësisë së re. Një nga një do i nxjerrim. A e dini ju se kjo Irena me tre mbiemra, komisionari publik i vetting-ut kërkoi që të hetohet më tej. Midis të tjerash, kjo është unike në botë që ka deklaruar se këto para m’i ka dhënë ish-gruaja e burrit. Kjo vetëm te ajo mund të dëgjosh një gjë të tillë.

Ajo mund të deklarojë çdo gjë, por njeri në botë që të pranojë se paratë borxh ia ka dhënë gruaja e burrit, përveç vetorëve të korruptuar nuk ekzistojnë. A doni t’u jap shembuj, jo një por disa?

Nuk ua kanë pranuar gjykatësve paratë që i ati i ka ndarë nga rroga e saj dhe ia ka dhënë në momentin e fejesës apo martesës, një traditë shqiptare nga më të konsoliduarat. Nuk kanë pranuar dhuratat që baballarët u kanë bërë vajzave apo djemve. Kurse kësaj i pranuan borxhin e asaj që i ka marrë burrin. Kësisoj mileti janë”, nënvizoi kreu i PD-së./ CNA





Lajmet e fundit nga