web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e ministres serbe/ Balla telendis deputetin e Qorit: Nuk jemi karagjozë si puna jote

16 Korrik 2026, 10:51, Politikë CNA

Deklarata e ministres serbe/ Balla telendis deputetin e Qorit: Nuk jemi

Kreu i grupit të PS-së, Taulant Balla, i është kundërpërgjigjur deputetit të Arlind Qorit, Redi Muçi, i cili akuzoi se nuk pati një reagim në lidhje me deklaratat e ministres së Serbisë për Kosovën.

Balla u shpreh se PS nuk tallet me çështjet kombëtare, pasi janë çështje që nuk adresohen me karagjozllëk diletantësh politikë.

“Sa i përket një deklarate, jo vetëm të papërgjegjshme, por indinjuese dhe të rëndë, të një anëtareje të qeverisë së Serbisë, reagimi i qeverisë shqiptare ka qenë në kohë, adekuat, nga Ministria e Jashtme në mënyrë të menjëhershme. Ndërkohë këto janë çështje që nuk adresohen me karagjozllëk diletantësh politikë. Nuk mund të tallemi për një aspekt procedural që një kadet i ri në Kuvendin e Shqipërisë kujton se mund të marrë vëmendje politike. Nuk tallemi me çështjet kombëtare, nuk jemi karagjozë si puna jote.

Qëndrimin e kemi mbajtur në nivelin e qeverisë, në nivel politik, kam reaguar para teje. Meqë u bëmë si kalamajtë e kopshtit për të treguar se kush reagoi. Ti ishe në gjumë kur kam reaguar unë, bashkë me atë që ke… me atë kasapin tënd politik. Është akt i dënueshëm. Shqipëria po reagon bashkë me aleatët e vet. Është turp që të vish dhe të bësh politikë me çështje kombëtare. Sa i përket Ramës ti dhe shokët e tu duhet të lani gojën mirë se është i vetmi kryeministër i këtij vendi që çështjen e Kosovës e ka përmendur mu në mes të Beogradit se Kosova është shtet i pavarur dhe se Shqipëria mbështet fuqimisht anëtarësimin e Kosovës në NATO dhe anëtarësimin e Shqipërisë në BE”, tha Balla./ CNA

 





Lajmet e fundit nga