web counter
LEXO PA REKLAMA!

SHKARKO APP

App Store
Google Play

E fundit!

x

Drejtorët e “5D”-së, koordinatorët elektoralë të Veliajt në zgjedhje

9 Maj 2024, 19:05, Politikë CNA
 

Drejtorët e “5D”-së, koordinatorët elektoralë

Një denoncim është bërë nga deputetja Ina Zhupa për drejtorët e arrestuar të kryebashkiakut Erion Veliaj për dosjen “5D”.

Zhupa tha në Kuvend se drejtorët e arrestuar për dosjen “5D” kanë qenë edhe koordinatorët politikë të Veliajt në zgjedhjet e fundit lokale.

Ajo deklaroi se me paratë e vjedhura 100% nga tenderat, drejtorët hajdutë blenë vota në Tiranë për shefin e tyre.

Drejtorët e “5D”-së, koordinatorët elektoralë
Deputetja Ina Zhupa

“Drejtorët e 5D ishin edhe koordinatorët politikë të Veliajt në zgjedhjet e fundit lokale. Me paratë e vjedhura 100% nga tenderat, ata blenë vota në Tiranë për shefin e tyre.

Veliaj i kishte njerëzit më të besuar dhe nuk di gjë?! Po pa firmën e Veliaj nuk do kishte tender sepse ai është titullari institucionit. E kanë kthyer Bashkinë Tiranë në një organizatë kriminale, ku zhduket taksat e qytetarëve.

Tju japësh ju sot edhe 100 milion të tjera kredi, është njëlloj si ti varësh ujkut mëlçitë në qafë. Transportin e gjelbër i kishte paratë bashkia ta bënte, mjafton mos paguante inceneratorin fantazëm që është një fushë me bar. Vetëm në buxhetin e 2024 janë 12 milion euro për një incenerator fantazëm. Dikur Rama në bashki flitet nga raportet e osbe që merrte 20% të tenderave, ju tani keni kaluar në 100% dhe për këtë u mburrët sot paturpësisht.

Hipoteza e team Lali, e deputetëve që i drejton Veliaj, se këto janë para gjermane dhe nuk vidhen, bie poshtë se ju keni treguar që vidhni njëlloj dhe paratë shqiptare dhe ato europiane. Sic vodhët fondet e IPARD. Dhe sot në ditën e Europës duhet të turpëroheshit dhe jo të vinit të kërkonin më shumë para për organizatën 5D dhe lali Inceneratorin.”, theksoi deputetja./ CNA





Lajmet e fundit nga