Shehaj "shuplakë" mazhorancës/ "Komisioni juaj anti-SPAK, doni ta përdorni si çekiç"

9 Maj 2024, 21:16, Politikë CNA

Shehaj "shuplakë" mazhorancës/ "Komisioni juaj

Deputeti Agron Shehaj

Deputeti Agron Shehaj ka kundërshtuar me forcë rezolutën e re të mazhorancës për Komisionin e Posaçëm Parlamentar.

Shehaj tha në Kuvend se komisioni që kërkon të ngrejë mazhoranca është një komision anti-SPAK, për të kontorlluar Prokurorinë e Posaçme.

Sipas tij, ngritja e këtij komisioni tregon se qeveria i trembet SPAK-ut dhe nuk e kontrollon dot këtë institucion.

Madje ai theksoi se sa më agresiv të jetë reagimi i PS-së me amnisti dhe me komisione anti-SPAK, aq më efektive është puna e SPAK-ut.

“Në këto kushte, çfarë është ky komisioni që do të ngrejë Rama?! Ky është komisioni Anti-SPAK. Do përdoret si çekiç nga maxhoranca për t’i vendosur vijën e kuqe prokurorisë, për t'i treguar prokurorisë se deri ku mund të shkojë.

Kjo që po ndodh është normale për vendin më të korruptuar në Europë. Nëse drejtësia fillon e lëviz dhe vepron si institucion i pavarur, është mëse normale që politika dhe qeveria e vendit më të korruptuar në Europë nis e reagon.

Madje ky është një lajm i mirë sepse kjo tregon se qeveria i trembet SPAK-ut. Mesa duket nuk e kontrollon 100 %. Sa më agresiv të jetë reagimi, me amnisti, me komisione Anti-SPAK, aq më efektive është puna e SPAK-ut.

Të dashur qytetarë

Shqipëria nuk është vendi i parë ku po tentohet të luftohet korrupsioni. Kudo ka ndodhur e njëjta gjë, atje ku drejtësia ka kafshuar, politika ka reaguar ashpër. Dhe kjo po ndodh në Shqipëri.

Jemi përballë një përplasje midis qeverise dhe drejtësisë ku nuk mund të ketë dy fitues. Ose Rama përballet me drejtësinë dhe Shqipëria futet në Bashkimin Europian, ose Rama fiton dhe në Shqipëri nuk ndryshon asgjë. Çdo vend i ish lindjes qe ka hyre ne Bashkimin Europian, kryeministrat jane perballur me drejtesine.

Ne kete kete perplasje, nese fiton Rama, Shqiperia do mbetet nje nga vendet me te korruptuara te Europes, me te varfera te Europes, shqiptaret do vazhdojne te ikin.

Nese kete beteje mes drejtesise dhe qeverise e fiton Rama, Shqiperia nuk do hyje ne Bashkimin Europian dhe per kete Rama do shpallë fajtore Europën se gjoja nuk na do”, nënvizoi deputeti./ CNA