web counter
LEXO PA REKLAMA!

SHKARKO APP

App Store
Google Play

E dredh Xhafaj? / SPAK po performon shumë mirë

2 Prill 2024, 20:55, Aktualitet CNA
E dredh Xhafaj? / SPAK po performon shumë mirë
Fatmir Xhafaj

Fatmir Xhafaj, ish-ministër i Brendshëm, i cili dha dorëheqjen pas plasjes së skandalit “Babale”, njeriu që udhëhoqi Reformën në Drejtësi dhe që do të merrte drejtimin e një komisioni “Ad Hoc”, një skemë e denoncuar nga CNA, e cila synonte të kontrollonte SPAK, ka deklaruar se Prokuroria e Posaçme po performon shumë mirë pavarësisht problematikave.

Xhafaj duket sikur e dredh duke thënë se SPAK meriton shumë vlerësim në disa aspekte.

Ne fakt Fatmir Xhafa sillet me gjuhën e një gjarpëri në momentet kur SPAK po godet Bashkinë e Tiranës dhe kryebashkiakun Erion Veliaj.

“SPAK me gjithë problematikat po perfomon shumë mirë dhe meriton shumë vlerësim në disa aspekte. E kam thënë edhe në vitet e mëparshme, strukturat përkatëse këtu në Kuvend duhet të reformojë të gjithë punën e saj. Nuk ka pse struktura e monitorimit të mbështetet te raportet”, ka deklaruar ai.

CNA pak muaj më parë denoncoi skemën e qeverisë për të kontrolluar SPAK, ku Fatmir Xhafaj do të drejtonte një komision “Ad Hoc” në parlament.

Xhafaj i njohur si një ish-enverist së bashku me 99-çat e Bashkisë do të sulmonin SPAK duke kërkuar mekanizma për t’i penguar dhe frenuar në punën e tyre pas arrestimeve të bujshme apo hetimeve për çështjet e nxehta.

Për ngritjen e këtij komisioni “Ad Hoc” pati dhe reagime nga ndërkombëtarët të cilët theksuan mbështetjen e tyre ndaj SPAK dhe përcollën mesazhin që SPAK nuk duhej prekur./ CNA

 





Lajmet e fundit nga