web counter
LEXO PA REKLAMA!

SHKARKO APP

App Store
Google Play

Fatmir Xhafaj, reformatori “Ad Hoc” kundër SPAK-ut

1 Shkurt 2024, 12:17, Politikë CNA
Fatmir Xhafaj, reformatori “Ad Hoc” kundër SPAK-ut
Fatmir Xhafaj

Njeriu që u quajt “babai” i Reformës në Drejtësi, ai që ndërtoi dhe zbatoi një skemë që në fakt tashmë mund të quhet dhe e dështuar pjesërisht, për të mos përdorur argumente politike, CNA ka sjellë fakte se si individë të caktuar pa bërë vetting, i cili ishte themeli i Reformës në Drejtësi, kanë kapur drejtimin e institucioneve të drejtësisë, Gjykatën e Lartë, anëtarët e Gjykatës Kushtetuese, KLP-në e kështu me radhë, pa folur për faktin se kanë shkuar në institucion individë, të cilët ishin ekspertë të reformës dhe që janë ndaluar të shkonin sipas vetë kritereve të vendosura nga ata që përdorte Fatmir Xhafaj si këshilltarë.

Nga ana tjetër sot është shpikur “babai” i reformës që do të na vijë nga një komision “Ad Hoc”. Një shpikje alla rilindëse, e kërkuar nga 99-çat, e udhëhequr si ide nga Erion Veliaj, e kërkuar për t’u zbatuar nga Fatmir Xhafaj.

CNA ka sjellë dhjetëra fakte dhe detaje dhe gjithashtu ka kërkuar që Xhafaj të flasë publikisht, por mesa duket zoti Xhafaj ende nuk ka bërë një reagim minimal, por thjesht dhe vetëm ka ndryshuar tezën e tij.

Nga njeriu që do të bëhej zëvendëskryeministër dhe ministër Drejtësie, që mbushi gjithë Tiranën së bashku kryebashkiakun Veliaj, njeriu që shpiku komisionin “Ad Hoc” për të luftuar SPAK-un dhe institucionet e pavarura kushtetuese, tashmë është tërhequr duke kërkuar ta mbështesin ndërkombëtarët.

Nuk është tërhequr nga çmenduria e tij dhe e 99-çave për të kontrolluar SPAK-un apo për të thirrur në apel Altin Dumanin, por një hap pas me heshtje jo vetëm duke mos i dalë për zot komisionit “Ad Hoc” dhe drejtimit të tij, por me shpresën se ndërkombëtarët do ta mbështesin.

Në fakt çelësi i ambasadave dhe dera e tyre është e mbyllur për këtë rast, i cili është një akt flagrant që përtej veprimeve për të rritur standardin e institucioneve të pavarura në kuadër të integrimit në BE, Fatmir Xhafaj kërkon ta vërë nën thundër për të zgjidhur hallet e tij personale pasi me Reformën në Drejtësi Fatmir Xhafaj zgjidhi jo pak problematika, gjyqe, prona, çështje gjykate, kapje dhe në fund qindra miliona euro të paguara nga qytetarët e SHBA dhe BE për Reformën në Drejtësi që Fatmir Xhafaj të shtrinte tentakulat e tij që edhe atje ku nuk kontrollon tashmë të shpikë një komision “Ad Hoc”.

A është shpërdorimi i fondeve një dështim i plotë apo i pjesshëm i Reformës në Drejtësi, a i ka dhënë rezultatet spektakolare, a pritet të shohim më shumë, gjithçka do kohën e saj.

Por fakti është që për “Ad Hoc”-un që shpiku Fatmir Xhafaj vetë me gojën e Erion Veliajt si kërkesë ndaj Edi Ramës tashmë është e qartë se nuk po i del për zot por, gjithmonë ka nxjerrë përpara “idiotin” e dobishëm, Eduard Shalsin./ CNA

 





Lajmet e fundit nga