web counter
LEXO PA REKLAMA!

SHKARKO APP

App Store
Google Play

Berisha i përmend Bashës takimet e fshehta me Ballën/ "Donte ta bënte PD-në opozitë fasadë"

30 Janar 2024, 19:30, Politikë CNA
Berisha i përmend Bashës takimet e fshehta me Ballën/ "Donte
Ish-kryeministri Sali Berisha

Ish-kryeministri Sali Berisha sulmoi këtë të martë Lulzim Bashën, teksa foli për gjendjen e Partisë Demokratike.

Nëse demokratët nuk do të merrnin kthesë, Berisha pretendon se PD do të ishte një opozitë fasadë.

“Dy vjet më parë në mënyrë që Edi Rama të vendoste paqen e përhershme në sundimin e tij, në mënyrë që Edi Rama të qeveriste i qetë me Lulin e tij, Sali Berishën e shpallën non grata për korrupsion, e shpallën non grata për minimin e demokracisë.

Unë e di se, sa e vështirë ishte për ju kthesa, por ju njerëz të ndershëm, idealistë, ju njerëz të të vërtetës, nuk mund të pranonit kurrë të besoni gënjeshtrën për të vërtetë. Nuk mund të pranonit kurrë shantazhin e padrejtë.

Nuk mund të pranonit kurrë që Sali Berisha, njeriu që kishte luftuar më shumë se kushdo tjetër në jetën e tij, korrupsionin në këtë vend, të shpallej 8 vite pas largimit nga pushtetit, si i rrezikshëm për korrupsionin e tij.

Që Liri Berisha e cila kishte 14 vite që punonte vullnetarisht pa asnjë shpërblim, çdo ditë e çdo natë me fëmijë autikë.  Nuk mund ta pranonit ju kurrë një akuzë të tillë, të pavërtetë e cila kishte vetëm një synim, të çelikoste pushtetin e Edi Ramës”, u shpreh kryedemokrati, ndërsa përmendi takimet e fshehta të Bashës me Taulant Ballën.

Sipas tij, vendimet për opozitën sot do të merreshin nga Balla dhe Basha, nëse nuk do të ishte ndërhyrë.

“Imagjinoni për një moment në rast se ju, 44 mijë demokratë e demokratë që morët pjesë në referendumet e partisë, nuk do të kishit marrë kthesën, ku do të ishim ne sot.

Ku do të ishte PD?

Do të ishte një fasadë opozitë, vendimet për të cilën merreshin nga Balla e Brava në kuzhinën e Desadës, në takime të fshehta.

Por jo, dallimi mes jush dhe të tjerëve është i madh. Ju jeni njerëz të idealeve, të parimeve, të dinjitetit, ju nuk mund të shisnit për asgjë të vërtetën. Ju donit shumë Amerikën, Europën, por doni më shumë Shqipërinë, doni më shumë të vërtetën. Ndaj dhe morët kthesën, kthesën shpëtimtare”, theksoi Berisha./ CNA





Lajmet e fundit nga