web counter
LEXO PA REKLAMA!

SHKARKO APP

App Store
Google Play

Denoncimi i Berishës/ Agron Malaj ka vjedhur miliona euro me Veliajn

28 Janar 2024, 19:23, Politikë CNA
Denoncimi i Berishës/ Agron Malaj ka vjedhur miliona euro me Veliajn
Ish-kryeministri Sali Berisha

Ish-kryeministri Sali Berisha hodhi akuza ndaj kryebashkiakut socialist të Matit, Agron Malajt gjatë fjalës së tij në protestën e mbështetësve të tij dhe të Partisë Demokraike.

Berisha ngriti pretendimet se Agron Malaj po vjedh në Tiranë në bashkëpunim me kryebashkiakun Erion Veliaj, miliona euro nga taksat e qytetarëve

Ai deklaroi se firma në emër të vëllait të Malajt ka vjedhur dhe ndarë me Veliajn dhe ujësjellësin mbi 30 milionë euro.

“Unë sot kam një përshëndetje të përzemërt për përfaqësuesit e Matit dhe Bulqizës që janë mes jush. Dua të përshëndes demokratët e Matit, në 33 vjetorin e themelimit të degës së PD. Të përshëndes demokratët e Bulqizës.

Të dashur miq!

Themelimi i PD-së në Mat është një akt epik. Mati 33 vite më parë mbi të gjitha ishte qendër ushtarake, qendër divizioni, qendër të themi të vërtetën, regjimi nga një anë kishte persekutuar thellësisht banorët e Matit, nga ana tjetër kishte bërë gjithçka për të mbajtur nën kontroll të plotë, për të shtypur sa më shumë ata.

Atë ditë, Azem Hajdari në një miting me guximtarët e Matit, u përball me një situatë ndër më të rrezikshmet. Falangat ekstremiste, terroriste, donin me çdo kusht të provokonin gjakderdhje. Por dështuan. Demokratët, për armë të vetme kishin guximin dhe ngadhënjyen mbi ta.

Dega e themelua dhe dega e Matit do të shndërrohej në një nga degët më të suksesshme të PD. Mati, Bulqiza, Dibra janë sot zonat më të ndëshkuara, më të vjedhura, më të plaçkitura, më të rrënuara.

Të dashur miq!

Denisa foli për Agron Malajn. Por a e dini ju se ku vjedh më shumë Agron Malaj? Vjedh në Tiranë me Erion Veliaj. Firma e tij me emër të të vëllait, ka ndarë me Erion Veliajn dhe ujësjellësin mbi 30 mln euro. Është një rrjet i tmerrshëm hajnash, hajdutësh të pamëshirë, që ndajnë pasuritë tuaja me njëri tjetrin”, theksoi kryedemokrati./ CNA





Lajmet e fundit nga