web counter
LEXO PA REKLAMA!

SHKARKO APP

App Store
Google Play

E fundit!

x

Urdhri i Psikologëve shkarkon presidenten/ PD rendit shkeljet e Valbona Treskës

30 Janar 2024, 16:23, Politikë CNA
Urdhri i Psikologëve shkarkon presidenten/ PD rendit shkeljet e Valbona
Anëtarja e Këshillit Kombëtar të PD, Silvi Bardhi

Anëtarja e Këshillit Kombëtar të PD, Silvi Bardhi, ka reaguar pas shkarkimit të Presidentes së Urdhërit të Psikologëve, Valbona Treska.

Bardhi përgëzon Urdhrin e Psikologut për këtë vendim me shumicë votash, ndërsa ngre akuza ndaj Treskës.

Ajo deklaroi se Presidentja e shkarkuar ka pasur mungesë transparence në vendimmarrje, përgjigje dhe publikime të vonuara të vendimeve, trajnime të kushtueshme për psikologët, deri në 1 mijë e 400 euro, si dhe në konflikt interesi.

Sipas saj, Treska ndërpreu ka shërbyer ndaj kryeministrit Edi Rama dhe kryebashkiakut Erjon Veliaj, duke u dalë në krah në fushatën e 14 majit, kundër kandidatit të opozitës për Tiranën, Belind Këlliçi.

Deklarata e plotë:

Në një akt ndershmërie profesionale dhe kurajoje qytetare, Urdhri i Psikologut, me votën e 204 anëtarëve ka shkarkuar Presidenten e Urdhërit të Psikologëve, Valbona Treska.

Urdhri i Psikologëve shkarkon presidenten/ PD rendit shkeljet e Valbona
Valbona Treska

Ajo u gjet në shkelje të rëndë për korrupsion.

Në 20 pikat e argumentimit të Asamblesë, Treska ka pasur mungesë transparence në vendimmarrje, përgjigje dhe publikime të vonuara të vendimeve, trajnime të kushtueshme për psikologët, deri në 1 mijë e 400 euro, si dhe në konflikt interesi. Keqmenaxhim të Komisionit të Etikës. Gabime të formës dhe përmbajtjes në dokumentacion dhe mosmbajtje përgjegjësie për to. Mungesë e etikës së komunikimit nga administrata dhe drejtuesit e Urdhërit të Psikologut.

Lista vazhdon.

Zonja në fjalë ra nën votat e kolegëve të cilët nuk ia falën shkeljet dhe korrupsionin. Po të kishte qenë për sistemin gjyqësor ajo do kishte vazhduar gjatë dhe e patrazuar duke shitur licenca.

Treska ndërpreu kështu edhe shërbimin politik ndaj Edi Ramës dhe Erjon Veliajt, të cilëve u doli në krah në fushatën e 14 majit, kundër kandidatit të opozitës për Tiranën, Belind Këlliçi.

Ajo nuk e duroi dot gishtin që kandidati i opozitës drejtoi kundër korrupsionit, por atë mori para dy ditësh nga kolegët e saj. 

Partia Demokratike e përshëndet vendimin e Urdhrit të Psikologut dhe inkurajon të gjitha trupat profesionale në vend që të vendosin të parin parimin e ndershmërisë së profesionit dhe shërbimin ndaj publikut./ CNA





Lajmet e fundit nga