web counter
LEXO PA REKLAMA!

SHKARKO APP

App Store
Google Play

E fundit!

x

Braçe u përvishet të vetëve: SPAK s'ka nevojë për K, qeveria më shumë agresive ndaj korrupsionit

31 Janar 2024, 11:59, Politikë CNA
Braçe u përvishet të vetëve: SPAK s'ka nevojë
Erion Braçe

Deputeti socialist, Erion Braçe, ka bërë së fundmi një status në rrjetet sociale për K-të e famshme të rrjeteve sociale.

Teksa komenton këtë fenomen, thekson se SPAK-u është një fenomen jetik i domodoshëm dhe nuk ka nevojë për K. 

"Në anën tjetër, SPAK-u nuk duhet të jetë i vetmi kundër korrupsionit; Qeveria-Qeverisja duhet ta ketë punë të përditshme luftën kundër korrupsionit. Jam i kënaqur me vlerësimin e djeshëm te Transparency International, RRITJA ME 1 PIKË ËSHTË E RËNDËSISHME, pas vitesh stanjacion. Por jemi mbrapa akoma, DUHET MË SHUMË PUNË", shprehet Braçe. 

Sipas Braçes qeveria duhet të jetë edhe me shumë agresive kundër korrupsionit, me më shumë përgjegjshmëri, përgjegjësi, transparencë, përfshirje, konkurrencë-gare. 

Shkrimi i plotë: 

Mos u keqkuptoni, K-ë është njësia matëse e pëlqimeve në INSTAGRAM, FACEBOOK, TIK TOK etj;
Ka njerez qe gjithë ditën e rrotullojne rreth K-ve, nuk rrojne dot pa K-të.

Per shembull, të flasësh për Big Brother tani të bën me K-ë, dominon; ta sulmosh, ta shash si produksion apo secilin aty, të hapësh polemika, madje edhe tja fusesh kot pa e parë, ta mbështesësh, vlerësosh, analizosh etj, të mbledh K-ë; madje dëgjova që keta që flasin apo bëjnë video me imazhe nga BB, marrin K-ë edhe me shume se vetë profilet e BB në ditet e javës.
Por ka edhe nje fenomen tjeter;

Të flasësh për SPAK, të grumbullon plot K-ë; ta sulmosh si ai maj BALLKONI, ta shash si ata poshtë BALLKONI, të gënjesh e shpifësh rreth tij, por edhe një për një për anetarët e tij, të grumbullon K-ë; por edhe ta mbrosh, mbështesesh, vleresosh-edhe me siku, të grumbullon K-ë;

Madje madje po zhvillohet edhe nje fenomen i rëndesishëm, deformues-të kërcënosh me SPAK, “do të të çoj ne SPAK”, “ta tregoj unë në Spak”, “ke për ta pare ti në SPAK”-përhapur gjeresisht mes politikanësh e operatorësh ekonomikë, madje duke bërë video nga dera në oborr e SPAK, tërësisht pa asnje lidhje me SPAK e veprimtarinë konkrete të tij, sidomos kur në jetën e kërcenuesit është në mes një kontrate pune apo shërbimesh, mallrash, të grumbullon K-ë, por jo në rrjet, ne lekë!

Shikoni;

SPAK ËSHTË NJË INSTITUCION JETIK, INSTRUMENT I DOMOSDOSHËM NË NJË VEND KU KORRUPSIONI FUNKSIONON SI KULTURË EKONOMIKE, PASURIMI,
INSTITUCION DREJTËSIE!

Thënë këtë SPAK ka nevojë për mbështetje institucionale që rrit pavarësinë nga politika, biznesi dhe çdo fenomen kriminal që funksionon e sfidon në këtë vend; mbështetje që rrit kapacitetet për punë në goditje të rasteve konkrete pas të cilave shteti-në çdo dimension çlirohet, merr fryme lirisht, shërben në mënyrë gjithëpërfshirëse! NUK KA NEVOJË PËR K-ë!

Në anën tjetër, SPAK-u nuk duhet të jetë i vetmi kundër korrupsionit; Qeveria-Qeverisja duhet ta ketë punë të përditshme luftën kundër korrupsionit. Jam i kënaqur me vlerësimin e djeshëm te Transparency International, RRITJA ME 1 PIKË ËSHTË E RËNDËSISHME, pas vitesh stanjacion. Por jemi mbrapa akoma, DUHET MË SHUMË PUNË.

Qeveria duhet të jetë edhe me shumë agresive kundër tij, me më shumë përgjegjshmëri, përgjegjësi, transparencë, përfshirje, konkurrencë-gare, ndëshkueshmëri në këtë nivel ekzekutiv; DUHET TË JETË KËTU NJË LUFTË E BRENDESHME QE VETËPASTRON DEGËN EKZEKUTIVE E I JEP ASAJ EDHE MË SHUMË INTEGRITET!
Duhet bërë!/CNA 





Lajmet e fundit nga