web counter
LEXO PA REKLAMA!

SHKARKO APP

App Store
Google Play

Si i mbron Veliaj hajdutët

4 Maj 2024, 15:50, Politikë CNA
Si i mbron Veliaj hajdutët
Erion Veliaj

Presidenti i El Salvadorit, Nayib Bukele, ka tronditur kabinetin e tij dhe ka marrë një vëmendje ndërkombëtare për deklaratat e forta që bëri gjatë një mbledhjeje qeverie pak ditë më parë.

Para gjithë kabinetit, ai iu drejtua Prokurorit të Përgjithshëm që të hetojë të gjithë ministrat dhe zyrtarët e lartë që qeverisë së tij për ryshfet dhe korrupsion.

Bukele u shpreh i vendosur se nuk do të kujtohet si presidenti që nuk vodhi, por u rrethua nga hajdutët. Ai theksoi se do të kujtohet nga populli i El Salvadorit si presidenti që nuk vodhi vetë dhe dërgoi në burg të gjithë ata që donin të vidhnin.

Si i mbron Veliaj hajdutët
Presidenti i El Salvadorit, Nayib Bukele

“Të gjithë ne që jemi këtu jemi pjesë e ekzekutivit, përveç një personi, Prokurorin e Përgjithshëm. Ai nuk është pjesë e Degës së Ekzekutivit, por është këtu për një arsye shumë të thjeshtë. Unë dua ta pyes atë publikisht, të investigojë të gjithë këta që janë ulur këtu në mënyrë retroaktive dhe në të ardhmen. Unë mendoj se nuk duhet të ketë asnjë problem me këtë. Janë disa presidentë, disa në burg dhe disa në arrati dhe shumica kujtohen si hajdutë. Unë nuk dua të kujtohem si hajdut. Kështu që nuk vjedh sepse nuk dua që të kujtohem si hajdut ose i korruptuar. Por për një president, presidentin Duarte, njerëzit thonë: Presidenti nuk ishte hajduti, por ai u rrethua me hajdutët, por ishte një kohë kur ai ofroi shpresë për popullin e El Salvadorit. Unë nuk dua të jem një president që nuk vodhi po u rrethua nga hajdutët. Por unë dua të kujtohem si një president që nuk vodhi dhe nuk la asnjë të vidhte dhe ai që çoi në burg këdo që vodhi”, u shpreh ai.

Pothuajse të njëjtin qëndrim ka edhe kryeministri Edi Rama, i cili në podcast-in “Flasim” ku kishte të ftuar gazetarin Blendi Fevziu theksoi se nuk mund të bësh 100 veta të korruptuar të një qeverie, ku në fakt janë vetëm 10.

Si i mbron Veliaj hajdutët
Kryeministri Edi Rama

Pra Rama është distancuar plotësisht nga veprimet korruptive në qeverinë e tij, edhe për aferat në Bashkinë e Tiranës dhe mesa duket i qëndron linjës së mëparshme që përgjegjësitë janë personale. Pra politikani hajdut duhet të identifikohet dhe të veçohet. Një mesazh i qartë ky edhe për Erion Veliajn, të cilin tashmë e ka lëshuar edhe kryesocialisti.

“T'u thuash hajdut 100 vetave dhe pastaj t’i dalë 10 vetave. Kjo nuk do të thotë që 90 të tjerët janë po ashtu, por nuk ka dalë akoma asgjë”, u shpreh Rama.

Por çfarë ka deklaruar Veliaj për aferat dhe hajdutëritë që kanë ndodhur në institucionin që drejton prej më shumë se 8 vitesh, Bashkinë e Tiranës?

Veliaj, edhe pse disa nga drejtorët e tij janë në qeli dhe akuzohen për korrupsion dhe vjedhje të shtetit, në asnjë moment nuk i ka quajtur hajdutë. Madje në një dalje mediatike, ai i ka quajtur ata të suksesshëm në punën e tyre dhe që nën drejtimin e tyre Bashkia Tiranë ka ecur para.

Ai e ka quajtur Bashkinë e Tiranës, një organizatë të disiplinuar, një organizatë të mençur, por në fakt hetimet e SPAK-ut kanë treguar që aty kemi të bëjmë me një “strofull hajdutësh” që nuk ngopen duke vjedhur paratë e shqiptarëve të varfër. Pra një organizatë kriminale që përdor skema nga më të ndryshmet për të vjedhur qytetarët e Tiranës.

Ndryshe totalisht nga presidenti i El Salvadorit, Veliaj, ka treguar se nuk ka problem që të rrethohet nga hajdutët, dhe vijon të mbrojë hajdutët apo bashkëpunëtorët dhe drejtuesit e fushatave të tij politike. Ky qëndrim i tij vjen pasi edhe ai vetë ka bashkëpunuar me hajdutët.

Si i mbron Veliaj hajdutët
Erion Veliaj

“Jam krenar për punët, jam krenar për gjithë lumin e bashkuar kundër nesh, se ne kemi vlerësuar për punët që kemi bërë dhe sa kanë inspiruar armiqtë e fundërrinat e këtij qyteti të bëhen bashkë si kurrë më parë”, ka thënë Veliaj.

Madje pas thirrjes në SPAK, ai, bashkinë që drejton, e quan një organizatë të disiplinuar, një organizatë të mençur.

Mesa duket Veliaj nuk e ka problem të mbahet mend si kryebashkiaku shqiptar që ka vjedhur më shumë, i rrethuar nga skuadra e tij e hajdutëve. Ai i mbron hajdutët vetëm një arsye, sepse ka frikë nga e vërteta./CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga