web counter
LEXO PA REKLAMA!

SHKARKO APP

App Store
Google Play

E fundit!

x

Manja, në një linjë me Dumanin: Jam në krahun e prokurorëve. Kushtetuta, vullnet më të gjerë se mazhoranca

3 Maj 2024, 10:45, Politikë CNA
Manja, në një linjë me Dumanin: Jam në krahun e
Ulsi Manja

Pas mbledhjes me kryeprokurorin Olsian Çela dhe kreun e SPAK-ut, Altin Dumani, ministri i Drejtësisë, Ulsi Manja, dha një prononcim për mediat ku u pyet edhe për kërkesën e Dumanit për qartësim të statusit të prokurorëve pas mbarimit të mandatit 9-vjeçar.

Manja theksoi se prokurorëve të SPAK-ut duhet t'u garantohet profesioni në prokurori apeli. Ai theksoi që si ministër sigurisht që është në krahun e tyre. 


"Sa herë rikthehem këtu pas 13 vjetësh. Kjo është shtëpia ime. Ky është profesioni. Kam qenë prokuror dhe sa herë vij këtu e konsideroj veten si në shtëpinë time dhe mes miqsh dhe kolegësh dhe sa të jemi gjallë me këtë profesion jemi identifikuar. Isha si ministër për të prezantuar rekomandimet për luftën ndaj kriminalitetit. Lidhur me kërkesën e kreut të SPAK-ut për të qartësuar statusin e prokurorit pas mandatit 9-vjeçar. Tjetër gjë është e drejta që parashikon ligji, tjetër gjë është garantimi i ushtrimit të profesionit. SPAK-u është prokurori dhe baraz me Prokurorinë  e Apelit. Prokurorët e SPAK-ut do të duhet t'u garantohet profesioni në prokurori apeli. Sot Kushtetuta ka këtë parashikim, por prisni janë në vitin e pestë, në momentin që do të shtrohet kërkesa e tyre të jeni të bindur si ministër pa diskutim jam në krahun e tyre. Kur të shtrohet ky diskutim do të kemi një qëndrim. Kushtetuta kërkon një vullnet më të gjerë se mazhoranca", u shpreh Manja./CNA 





Lajmet e fundit nga