E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Kolegët” e zdromsit të Tiranës

2 Maj 2024, 11:21, Politikë CNA

Kryebashkiaku i Tiranës, Erion Veliaj

Kryebashkiaku i Tiranës, zdromsi Erion Veliaj, pak ditë më parë, në një dalje publike, iu drejtua si “koleg” kreut të SPAK-ut, zotit Altin Dumani dhe të njëjtin term përdori edhe për prokurorët e tjerë të SPAK-ut apo edhe oficerët e BKH-së. Këtyre të tjerëve, meqenëse i kishte “kolegë”, u kishte dhënë edhe zyra.

Zdromsi proaktiv i tha publikut në të njëjtën ditë se do të shkonte vetë në SPAK për qejf që të sqaronte me dokumente disa problematika që kishin lindur me të tjerë kolegë proaktivë, të cilët i kishin arrestuar si hajdutë “kolegët” e SPAK-ut.

“Kolegët” e SPAK-ut e lanë zdromsin e Tiranës një orë para derës, duke konfirmuar se takimi do të zhvillohej pikërisht kur donte dhe siç donte kolegu që kishte në burg kolegët e tjerë të Bashkisë së Tiranës.

Veliajt i shtohen "kolegët"
1 Maj, 14:12
Kur “kolegët” të tregojnë derën
30 Prill, 11:28

Duket si lojë fjalësh, por sipas Erion Veliajt, Altin Dumani, Dritan Premçi, Klodian Braho, Arben Kraja, Enkeleda Millonai, 20 prokurorë të SPAK-ut janë “kolegë” të kryebashkiakut të Tiranës. Gjithashtu, ai ka “kolegë” oficerët e BKH-së, gjykatësit dhe gjithë strukturën e re të dalë nga reforma në drejtësi.

Në një audio-regjistrim të gati dy viteve më parë, Veliaj thotë se SPAK-un e ka nën kontroll. Mesa duket ata janë “kolegët” e vegjël, ndërsa ky është kolegu i madh.

SPAK

Veçse ka një problem, këta “kolegët” e SPAK-ut kanë qepur disa dosje dhe kanë çuar pas prangave disa kolegë të tjerë të Erion Veliajt. Janë pikërisht shumica e drejtorëve, kolegët e vërtetë të zdromsit, pra zdromsat e Bashkisë së Tiranës, që janë kapur si hajdutë dhe me vendime gjykatash, me akuza për dy dosje kriminale, ndodhen në qeli duke pritur që me ta të bashkohet edhe zdromsi i madh.

Erion Veliaj ka “kolegë” prokurorët e SPAK-ut dhe BKH-së, ka kolegë edhe drejtorët hajdutë të Bashkisë së Tiranës që i kanë futur në burg pikërisht “kolegët” e SPAK-ut.

Erion Veliaj me drejtorët e arrestuar

Kryebashkiaku ka kolegë edhe hajdutin, edhe ata që e kapin hajdutin dhe vetë është kolegu i madh i hajdutëve që ndodhen pas prangave, i një sekti që ka menduar se kontrollon gjithçka dhe është mbi gjithçka, por sot është thjesht dhe vetëm kolegu i vërtetë i hajdutëve që ndodhen të akuzuar nga prokurorët e SPAK-ut, të cilët duke u shkuar deri në fund hetimeve për inceneratorët dhe dosjen “5D” po i tregojnë “kolegut” të tyre se nuk po vonon koha që do të bashkohet me kolegët e tij të vërtetë./ CNA