web counter
LEXO PA REKLAMA!

SHKARKO APP

App Store
Google Play

Mblidhet Komiteti Drejtues i PL-së, do të miratohen ndryshimet në Kryesi

1 Maj 2024, 10:56, Politikë CNA
Mblidhet Komiteti Drejtues i PL-së, do të miratohen ndryshimet në
Ilir Meta

Të mërkurën, Partia e Lirisë ka mbledhur Komitetin Drejtues, ku pritet të miratohen ndryshimet në Kryesi pas Konventës së 27 prillit.

Sipas ndryshimeve të Kryesisë pritet të largohet Monika Kryemadhi, pasi Meta ka deklaruar se do t'i jepet fund nepotizmit. Kryesia e Partisë së Lirisë propozoi të hedhë në votim, për anëtarë të rinj të Kryesisë Politike edhe emrat, si më poshtë vijojnë:

1. Myrvete Asqeri (Anëtare e KDK)
2. Adriatik Hoxha (Anëtar i KDK dhe Sekretar për Sportet)
3. Ana Gjidiaj (Anëtare e KDK)
4. Bedri Merhori (Anëtar i KDK)
5. Besnik Jakaj (Anëtar i KDK)
6. Fatjona Selimaj (Anëtare e KDK, Kryetare e PL, Fushë-Arrëz)
7. Erisilda Hoxha (Anëtare e KDK, Kryetare e PL Kuçovë)
8. Brunilda Salaj (Anëtare e KDK)
9. Pegiola Toro (Anëtare e KDK dhe Këshilltare, Bashkia Roskovec)
10. Denis Hidri (Anëtar i KDK)

Në fjalën e tij në Komitetin Drejtues të Partisë së Lirisë, Meta u tha anëtarëve se s’ka kohë për të pushuar, në të kundërt ndryshken.

“Kush pushon ndryshket, thotë gjermani. Ne s’kemi kohë për të pushuar se s’duam të ndryshkemi. Edhe ndryshkun që kishte lënë bashkia te lapidari i detyruam që ta lyejnë. Shumë shpejt falë qëndresës heroike të popullit tonë do ta heqim ndryshkun nga bashkia e '5D' dhe inceneratorin që nuk ekziston”, tha Meta.

Në fjalën e tij ai shtoi se partia ka një program ambicioz me 5 prioritete me qëllim kthimin e 4 milionë shqiptarëve. Meta nënvizoi se vendi ynë ka pagat dhe pensionet më të ulëta në rajon, ndërsa qeveria ka rritur borxhin publik./CNA 

 





Lajmet e fundit nga