web counter
LEXO PA REKLAMA!

SHKARKO APP

App Store
Google Play

Lali Eri, mblidh pëllumbat!

1 Maj 2024, 10:21, Politikë CNA
Lali Eri, mblidh pëllumbat!
Kryebashkiaku Erion Veliaj në SPAK

Erion Veliaj dje i kishte lëshuar pëllumbat, siç thotë populli, ishte i shfazuar me akuza ndaj gazetarëve dhe analistëve, ndaj banakëve televizivë të Rilindjes, kryesisht në mediat e Rilindjes, por edhe duke shfrytëzuar hapësirat e atyre ekraneve apo karagjozëve mediatikë që janë paguar me paratë e inceneratorëve, për korrupsionin e të cilit dhe për dijeninë e të cilit Erion Veliaj dje ka qenë rreth 8 orë në SPAK.

Lali Eri ka nevojë të mbledhë pëllumbat, jo sepse sulmoi gazetarët.

Ne disa ditë më parë i shkruam edhe një lajm tjetër: “Erion Veliaj, ke të drejtë të mos flasësh”, pikërisht për faktin e hajdutërisë me “5D”-në, me drejtorët, me bashkëpunëtorët e tij të ngushtë që do t’i shesë se kanë bërë një mijë punë të mira dhe një hajdutëri.

Në fakt, kanë bërë një mijë hajdutëri me punët e mira të tyre se pa punuar nuk vidhnin.

Nga ana tjetër, dje Erion Veliaj është pyetur nga prokurorët e SPAK-ut dhe oficerët e BKH-së në lidhje me çështjen e inceneratorëve, dosje për të cilën hetimi ka ecur ngadalë, por sigurt dhe në fund Erion Veliaj më në fund e kuptoi se ai ishte person që do të merrej nën akuzë.

Pasi ka dëgjuar pyetjet dhe u është përgjigjur atyre, Erion Veliaj tashmë është i vetëdijshëm se do të jetë një person i akuzuar për korrupsion dhe shpërdorim detyre në lidhje me inceneratorin e Tiranës, pa folur për pasojat penale që mund të ketë me dosjen “5D”.

Lali Eri, mblidh pëllumbat!
Kryebashkiaku Erion Veliaj në SPAK

Leksioni që SPAK-u i dha Veliajt

Lali Erit i kërkojmë të mbledhë pëllumbat se sa herë flet, budallallëqe thotë, dhe situatën e tij rëndon. Ne nuk i urojmë kujt burgun, por nëse ke shkelur ligjin, ke bërë korrupsion, nuk ke zbatuar detyrat, atëherë do të mbash përgjegjësinë penale përpara togës së gjyqtarëve dhe ndoshta atje mund ta presësh më me krenari vendimin, ashtu siç i ndodhi dje disa herë me lagien në prani të prokurorëve të SPAK-ut.

Lali Eri duhet të mbledhë pëllumbat, sepse fajin nuk ia kanë gazetarët, fajin ia ka përgjegjësia e tij ligjore, fajin ia kanë budallallëqet e tij, fajin ia ka ajo e shtuna e disa ditëve më parë, kur doli dhe foli duke fyer dhe tallur prokurorët e SPAK-ut dhe duke u thënë kolegë, kur në fakt koleg është një njeri që ndan detyrën apo bashkëpunon.

Quajti kolegë prokurorët e SPAK-ut dhe hetuesit e BKH-së që po e hetojnë atë për korrupsion dhe nga ana tjetër tha se nuk ishte thirrur ai në SPAK, por do të shkonte vetë.

Dje në SPAK i treguan se kur flet budallallëqe, shkon në SPAK kur do ti, të lënë një orë te dera të presësh, të marrin dhe 7 orë në pyetje dhe s’të pyesin fare, nuk duan t’ia dinë fare kush je ti, je thjesht një person në dijeni që tashmë do të merresh nën akuzë.

Lali Eri, mblidh pëllumbat!
Kryebashkiaku Erion Veliaj duke pritur te dera e SPAK-ut

Erion Veliaj duhet të mbledhë pëllumbat. Ditë pas dite po dalin dosje edhe për Ajola Xoxën, bashkëshorten e tij, e cila nëpërmjet OJF-ve të fundit ka qenë bashkëpunëtore e kompanisë së inceneratorit të Tiranës, e cila nuk ekziston.

Ndaj, lali Eri, e mira është që të flasë më pak, të mbledhë pëllumbat, të qetësohet, sepse koha e atyre me b*le hekuri që bënin çfarë të donin se SPAK-un e kishin nën kontroll ka marrë fund.

Edhe ata prokurorë që Erion Veliaj mendonte se do ta ndihmonin tashmë e kanë lëshuar, ndaj e mira është që të përgatitet shpirtërisht, ta marrë qetë e shtruar. Këto kohë dihet që do të prodhojë shumë “fake news” që të heqë vëmendjen nga afera e inceneratorëve, nga afera “5D” dhe përgjegjësia që ka ai sepse më shumë se për të vërtetën ai lufton për propagandën, po kjo ka pak rëndësi.

Lali Eri duhet të mbledhë pëllumbat, kjo do t’i bëjë mirë atij dhe duhet ta vlerësojë këshillën tonë që të mos flasë kodra pas bregut, të mbajë qetësinë, durimin dhe të zbatojë ligjin, atë ligj që nuk e ka zbatuar, atë ligj që e ka shkelur, atë shpërdorim detyre që ka kryer me inceneratorin e Tiranës, të shkojë të japë dhe llogari para drejtësisë dhe do të bënte mirë pastaj të tregohej burrë, të ishte edhe më dinjitoz se kështu siç po katandis, mirë është i neveritshëm, por po bëhet edhe më i pështirë./ CNA





Lajmet e fundit nga