web counter
LEXO PA REKLAMA!

SHKARKO APP

E fundit!

x

“Orarin e caktova unë”/ Veliaj tallet me SPAK-un

30 Prill 2024, 17:40, Aktualitet CNA

“Orarin e caktova unë”/ Veliaj tallet me SPAK-un

Kryebashkiaku Erion Veliaj, pasi ka lënë ambientet e SPAK-ut pas 8 orësh, para gazetarëve u tall me Prokurorinë e Posaçme.

Veliaj i trajtoi hetuesit dhe prokurorët si kolegët dhe bashkëpunëtorët e tij.

Kryebashkiaku nuk pranoi se ishte thirrur tri herë në SPAK por madje u tall edhe më keq duke thënë se takimin e kishte kërkuar ai dhe orarin e paraqitjes në SPAK e kishte caktuar ai.

"Doja të falenderoja kolegët e SPAK-ut, një institucion që unë nuk kisha pas të bëja më parë. Pas këtij takimi më ka krijuar bindjen që është bërë një investim përsë mbari në Shqipëri. Isha me dy kolegë hetues, profesionistë dhe unë them që ne duhet t’i forcojmë institucionet dhe jo t’i anatemojmë.

Isha sot si bashkëpunëtor, e kisha kërkuar vetë këtë takim, por nuk e kishim caktuar mirë orën 9 ose 10 sepse kishin një seancë tjetër, kisha kohë që kisha kërkuar një takim. Patëm një ezaurim total të çështjes së inceneratorëve.

Të gjitha shpjegimet e nevojshme për mënyrën ku dallon projekti i IFC i cili u rrëzua dhe ishte nisur nga ish bashkia me 37 euro tonin dhe si ky proces ishte një gjë tjetër  e pa kërkuar nga investitorë që nuk kishin lidhje me bashkinë dhe IFC. U thanë dhe disa detaje të tjera.

Të dy kolegët hetues më kërkuan që për çështje të hetimit dhe të sekretit hetimor duke qenë se bashkia ka dërguar dhe disa detaje të tjera, më kërkuan që të mos i ndaj me gazetarët disa detaje.

Unë ndihem më i lehtësuar sepse më në fund dhe unë pata mundësinë të them fjalën time. E besoj se armiqtë e mi ndihen më të lehtësuar… se unë besoj që një njeri duhet vlerësuar dhe nga armiqtë që bën. Çdo koment tjetër do tua jap pasi të mbaroj mbledhjen e këshillit bashkiak”, tha Veliaj./ CNA





Lajmet e fundit nga