web counter
LEXO PA REKLAMA!

SHKARKO APP

App Store
Google Play

Raporti i PISA-s “përplas” Zhupën me Manastirliun

2 Maj 2024, 12:12, Politikë CNA
Raporti i PISA-s “përplas” Zhupën me Manastirliun
Ministrja e Arsimit, Ogerta Manastirliu

Deputetja e PD-së, Ina Zhupa, hodhi akuza ndaj qeverisë gjatë interpelancës me ministren e Arsimit, Ogerta Manastirliu, për raportin e PISA-s.

Zhupa tha se raporti kishte të dhëna turpëruese që zhveshën propagandën dhe rrënimin e sistemit parauniversitar në Shqipëri.

“Pas daljes së rezultateve të PISA-s, që ishin të dhëna turpëruese, ky është një raport që zhvesh propagandën dhe dëshmon rrënimin e sistemit parauniversitar në Shqipëri. Shqipëria kishte rënie më të madhe të ndonjë shteti në rajon, krahasuar dhe me veten që në vitin 2009. Ka rënë me 47-68-50 pikë. Ne renditemi më poshtë se Palestina, se Uzbekistani. Kishim rënie më të madhe se të gjitha vendet e tjera. Aftësitë e nxënësve tanë janë kthyer pas në vitin 2000. Është thelluar analfabetizmi”, u shpreh ajo.

Nga ana tjetër, Manastirliu tregoi faktorët që ndikuan në performancën e dobët të nxënësve shqiptarë.

Sipas saj, dy faktorët kryesorë janë pandemia e koronavirusit dhe e tërmetit të 26 nëntorit 2019.

“Ne nuk fshihemi pas gishtit, nuk pranojmë dot të themi që PISA ishte performancë që ka ecur në hapin që ne do të donim, por kemi bërë një analizë si një vlerësim që në kontekstin ndërkombëtar është lexuar nga ekspertët më të mirë. Për të dhënë një kontekst, ka vende shumë të zhvilluara si Gjermania që në 2022 u ul me 25 pikë. Performanca jonë ishte në ulje, por u ndikua nga disa faktorë, kemi bërë analizë për të marrë masa. Ka pasur faktorë që kanë ndikuar, si pandemia, tërmeti”, theksoi ministrja./ CNA





Lajmet e fundit nga