Pse Luli ripërsërit çdo tezë që del së pari nga Berisha?

11 Maj 2024, 21:37, Politikë CNA

Pse Luli ripërsërit çdo tezë që del së pari nga

Lulzim Basha

Luli kishte dalë sot dhe po fliste me... Lulin! Lexonte pyetjet që kish bërë dhe pastaj pasi lexonte përgjigjet, qeshte i lumtur sa herë mbaronte fjalitë.

Kur Luli e pyeti se kush ishte problemi më i madh i qeverisë Rama, Luli u përgjigj pa asnjë mëdyshje se problemi më i madh ishte shpopullimi.

Teza e shpopullimit nuk është tezë e zbuluar nga Luli! Siç asgjë që Luli deklaron si kusht për mazhorancën, nuk është tezë e zbuluar nga Luli.

Nuk ka asnjë tezë që ka hedhur në pazar Luli, që ka qenë e re apo në kundërshtim me ndonjë tezë, që Berisha e ka tregtuar disa ditë më parë sesa Luli të dilte ta lexonte.

Berisha akuza ndaj qeverisë/ Politika e Ramës, genocide e shpopullimit
9 Mars, 19:13

Ose sëpaku nuk është lançuar së pari nga Luli!

Gjeni një TEZË të vetme dhe do tërheqim gjithë të vërtetat që kemi thënë deri tani për Lulin.

DO REHABILITOJMË LULIN.

Çdo tezë që rrotullon dhe ripërtyp Luli është rregullisht, rëndom, sistematikisht tezë që së pari e ka hedhur në tregun e politikës Berisha ose që Berisha së pari ka autorizuar ndonjë tjetër brenda foltores që ta nxjerrë në shitje publikisht.

Njëjtë ka ndodhur me vettingun e politikanëve! Ka qenë Berisha ai që e ka hedhur drejt mazhorancës dorashkën e vettingut të politikës.

Me të njëjtat kritere, të njëjtat procedura dhe të njëjtat rregulla që pastaj Luli, dmth dikush pranë Lulit i ka zbardhur dhe ja ka dhënë të zbardhura, që Luli t’i lexojë rrjedhshëm në publik, apo t’i firmosë përpara se t'i dorëzojë në Kuvend si kushte për bashkëpunim me mazhorancën.

Vettingu i politikanëve/ Basha i bie të njëjtës melodi
2 Dhjetor, 11:31

Tani opsionet janë dy!

Nëse Luli ripërsërit ato që dëgjon atëherë ai vazhdon të imitojë, regjistrojë, përsërisë besnikërisht vetëm Berishën. Thonë që vesi del me shpirtin!

Nëse Lulit dikush ja formulon gjetjet politike, atëherë Luli duhet të bëjë kujdes sepse me sa duket paska të infiltruarit e Berishës në paradhomën e vet!

Me atë rast Lulit i duhet që të fillojë të ushtrohet në këndim dhe shkrim.

Burri që është burrë, e merr një herë lapsin, shtrydh trurin (kur e ka) dhe shkruan edhe ndonjë gjë vetë.

Lulzim Basha

Dikur, kur Olldashit i kishin kërkuar të deklaronte publikisht një budallallëk vetëm sepse budallallëku ishte politikisht i nevojshëm, Olldashi u përgjigj:

Ore nuk na lejohet tani të themi budallallëqe, se na u rritën edhe kalamajt e na dëgjojnë.

Kujdes Lul!

Se të janë rritur kalamajt! Mos i bëj si veten edhe ata./ CNA