web counter
LEXO PA REKLAMA!

SHKARKO APP

App Store
Google Play

I akuzuar për vjedhje/ Habit Basha: T’më japin dekoratë për Rrugën e Kombit

5 Maj 2024, 20:04, Politikë CNA
I akuzuar për vjedhje/ Habit Basha: T’më japin dekoratë
Kryetari i PD-së së vulës, Lulzim Basha

Kryetari i PD-së së vulës, Lulzim Basha ka kërkuar të dekorohet për rrugën Durrës-Kukës, e quajtur ndryshe Rruga e Kombit.

Ndonëse është akuzuar për vjedhjen e 238 milionë eurove gjatë kohës që ishte ministër i Transporteve me Rrugën e Kombit, Basha tha ditën e sotme se ai duhet të falenderohet dhe të dekorohet për investimin.

Madje, ai tregoi se ka qenë i zemëruar deri në kufijtë e tërbimit që nuk është dekoruar për rrugën.

Luli i cilësoi si njerëz të ligë ata që e akuzojnë për vjedhje, ndërsa vijoi të mburrë veten për merita e kontribute.

“Fillimisht akuzat e kundërshtarëve i kam shpërfillur me një farë neverie. Thoja çfarë janë këta 238 milionë euro dëme, ndërkohë që pagesa totale kur unë jam larguar nga ministria ishte vetëm 60 milionëshi i garancisë që të fillonin punimet. Pra, ishte një stisje totale. Sigurisht që e çuan në prokurori, e dija të gjitha domethënë çfarë bënë. Pastaj faza e dytë që kam patur ka qenë një zemërim në kufijtë e tërbimit. Tani mirë që nuk më japin dekoratë, se nuk e dua nuk e kam bërë për dekoratë, mirë që nuk thonë faleminderit, po pse duhet të bëjnë këtë tjetrën pse janë kaq të ligë derisa e kam kuptuar që e kisha gabim. Çdo gjë e kishte dorën e Zotit brenda. Dua t’i them faleminderit Edi Ramës dhe gjithë të tjerëve që u bashkuan në atë betejë balte kundër meje. Në veçanti faleminderit atyre që e bënë këtë çështje penale, edhe të tjerëve që për agjenda të ngushta politike, ndoshta dhe disa që mund të kenë pasur Brenda familjes time politike kontribuan në të. Sepse pa ndihmën e tyre ndoshta do ishte harruar roli im në ndërtimin e kësaj rruge. Jo se e kam nevojë që të kujtohem, por ata kanë kontribut të përjetësohet roli im në ndërtimin e kësaj rruge”, theksoi Basha në një podcast./ CNA





Lajmet e fundit nga