E fundit!

12:01 Aktualitet

“Jam një i vdekur që ecën”/ Zbardhet dëshmia e Pëllumb Gjokës në GJKKO për dosjen “Metamorfoza”

Këtë të enjte ka dëshmuar në Gjykatën e Posaçme një nga sh...

Si Lulzim Basha dhe të tijtë po mbrojnë Erion Veliajn

11 Maj 2024, 11:25, Politikë CNA

Prej javësh skandali “5D” ka plasur në bashkinë e parë të vendit, disa drejtorë të korruptuar ndodhen pas hekurave, të tjerë janë në hetim.

Ndërkaq Lulzim Basha dhe të tijtë nuk thonë asnjë fjalë për aferat në Bashkinë e Tiranës, nuk marrin pjesë në protesta, thonë protesat janë thirrur prej “non grata”-s.

"Pa diskutim që protesta është e duhur, por që protesta të jetë e besueshme nuk mund të bëhet protestë para bashkisë me Ilir Metën, për faqe të zezë. Që protestat të kenë fuqi, të ketë forcë goditëse, të kenë pjesëmarrjen që kanë pasur dhe duhet t'i vënë gishtin kokës, ata që për interesa personale i vunë minat opozitarizmit, tani është koha të reflektojnë. Protesta e sotme lë shumë për të dëshiruar", u shpreh Basha.

"Protesta nuk bëhet me 50 policë civilë, 200 turistë kinezë, 200 njerëz mbështetës të Berishës dhe Metës apo edhe 300 policë me kapele. Protestat kanë një pjesëmarrje shumë të ulët", tha Edvin Kulluri.

"Jam i gatshëm dhe i vullnetshëm të mbështes çdo protestë të opozitës, protestat e pastra. Po kur përdoren për luftë civile brenda mazhorancës, nuk dua", u shpreh Kreshnik Çollaku.

Këto janë justifikime. Ata mund të mos bashkoheshin me “non grata”-n, mund të mos protestonin me PD-në e Sali Berishës dhe Aleancën për Teatrin, por mund të vinin në një ditë tjetër para bashkisë, siç bëri “Lëvizja Bashkë” e Arlind Qorit.

Nuk ka asnjë protestë të njerëzve të Lulzim Bashës, që e quajnë veten opozitë, thjesht dhe vetëm i dalin në mbrojtje Veliajt dhe justifikohen “është për interes të Saliut”, “është për interes të 'non grata'-s”.

E marrim të mirëqenë që ështe e tillë; opozita e Berishës ka zgjedhur këtë rrugë, por grupimi i Bashës çfarë bën?! I dalin në mbrojtje Veliajt dhe drejtorëve të tij dhe prishin protestat?! Bëhen planprishës?!

Çfarë bën ky grup që e quan veten PD-ja zyrtare, vula e partisë, etj., me radhë. Thjesht dhe vetëm dalin në ndonjë studio, bëjnë ndonjë konferencë dhe kaq.

Krijojnë kakofoni dhe nga ana tjetër Basha dhe të tijtë thjesht dhe vetëm trashin portofolin me benefitet që u vijnë nga pushteti i Ramës dhe Veliajt./CNA