web counter
LEXO PA REKLAMA!

SHKARKO APP

App Store
Google Play

Statusi i prokurorëve të SPAK-ut/ Manja: Pas mbarimit të mandatit, t’u garantohet një pozicion

10 Maj 2024, 14:30, Politikë CNA

Ministri i Drejtësisë, Ulsi Manja, gjatë fjalës në Komisionin e Ligjeve, foli mbi kërkesën e kreut të SPAK-ut për qartësim të statusit të prokurorëve pas mbarimit të mandatit 9-vjeçar.

Manja doli në mbështetje të SPAK-ut dhe tha se nuk ka asnjë arsye pse një trupë prokurorësh që kanë një përvojë 9-vjeçare në luftën ndaj korrupsionit, të mos konkurrojnë në Këshillin e Lartë të Prokurorisë për të qenë pjesë e kësaj strukture njësoj si kandidatët e tjerë.

Ai tha se pas mbarimit të mandatit duhet t’u garantohet një pozicion ekuivalent. 

“Prokurorët e SPAK-ut kanë mandat 9-vjeçar pa të drejtë zgjedhjeje. A ka të drejtë të qartësohet se ku do shkojnë pas mbarimit të 9 vjetëve? Nëse doni mendimin tim, në fund të fundit nuk ka asnjë arsye pse një trupë prokurorësh që kanë një përvojë 9-vjeçare në luftën ndaj korrupsionit, të mos konkurrojnë në Këshillin e Lartë të Prokurorisë për të qenë pjesë e kësaj strukture njësoj si kandidatët e tjerë? Padyshim që po. A duhet që në përfundim të mandatit 9-vjeçar të kenë garanci për një pozicion ekuivalent me atë që kanë sot? Padyshin që po. Unë mendoj që prokurorët e SPAK-ut nuk kanë arsye pse të mos kenë të drejtë të rizgjidhen dhe e dyta ata nuk duhet të humbin nga garancitë juridike që i kanë fituar. Ata janë sot prokurorë Apeli dhe duhet të shkojnë në Apel ose Prokurori të Përgjithshme. Ndërsa GJKKO apo SPAK janë organe kushtetuese permanente të shtetit", tha Manja në Komisionin e Ligjeve./CNA 





Lajmet e fundit nga