web counter
LEXO PA REKLAMA!

SHKARKO APP

App Store
Google Play

E fundit!

x

Fatmir Xhafaj nxjerr kokën: Qeveria të ketë kontroll më të gjerë mbi SPAK-un

10 Maj 2024, 16:44, Politikë CNA

Fatmir Xhafaj, personi që pretendon se krijoi Reformën në Drejtësi, prej disa kohësh po sulmon SPAK-un dhe po kërkon të bëjë një reformë mbi reformën.

Xhafaj, i quajtur enveristi i fundit dhe 99-çi i parë, krijoi një draft-rezolutë për krijimin e një komisioni të ri “Ad-Hoc”, me anë të të cilit do që të kapë SPAK-un.

Fatmir Xhafaj nxjerr kokën: Qeveria të ketë kontroll më
Enver Hoxha dhe Fatmir Xhafaj

Dje në Parlament pamë se si Xhafaj sulmonte SPAK-un dhe merrte në mbrojtje kryebashkiakun e Tiranës, Erion Veliaj, si dhe drejtorët e tij hajdutë të kapur me duart në “xhepat” e shqiptarëve.

Pa asnjë ngurrim, enveristi i fundit kërkoi të mos dënohen hajdutëritë e drejtorëve të Veliajt, ndërsa lajthitjet e tij i ka vijuar edhe ditën e sotme.

Në mbledhjen e Komisionit të Ligjeve, Xhafaj propozoi që të ndryshohet metoda e raportimit të SPAK-ut te qeveria.

Ai deklaroi se qeveria nuk duhet vetëm të japë rekomandime për SPAK-un, por të ketë një kontroll më të gjerë.

Fatmir Xhafaj nxjerr kokën: Qeveria të ketë kontroll më
SPAK

“Unë kam një gjë, ka të bëjë me çështjen e metologjisë. Është një reflektim mbasi është krijuar një praktikë që nuk është e re, është shumë vjeçare, praktika e rekomandimeve të qeverisë ndaj prokurorisë është para Reformës në Drejtësi, është një traditë e konsoliduar, ndërkohë kur sheh rekomandimet, volumin, përsëritjen, mungesën në këndvështrimin tim të një analize më shteruese, a mos ka ardhur momenti për ta ndryshuar këtë metodologji qoftë për mënyrën se si e formulon qeveria këtë të drejtë dhe detyrim kushtetues, qoftë dhe mënyrën se si iu qaset dy institucioneve, duke e ndarë një rekomandim më vete për prokurorinë e posaçme dhe një rekomandim më vete për juridiksionin e përgjithshëm”, theksoi enveristi i fundit.

Kështu, Xhafaj doli në shteg dhe e tha troç se qeveria duhet të kontrollojë SPAK-un, një propozim të cilin CNA e ka denoncuar prej muajsh.

Ky propozim i Xhafajt vjen në një kohë kur SPAK-u ka kapur drejtorët hajdutë të Veliajt, për të cilët enveristi i fundit na u qa publikisht në Kuvend.

Në fakt, halli i Xhafajt është kapja nga SPAK-u e mikut të tij Erion Veliaj, i cili i bëri dhëndrin drejtor. Dhëndri i tij, Ditjon Baboçi, njeriu që mbyti me kulla Tiranën është akuzuar për ndërtimet kur Veliaj e mbante drejtor.

Me kontrollin e SPAK-ut, enveristi duket se kërkon të nxjerrë nga gremina ku po bien Erion Veliajn  dhe drejtorët e tij./ CNA





Lajmet e fundit nga