web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive-SPAK-u thellon hetimin pasuror për drejtorët hajdutë të Erion Veliajt

10 Maj 2024, 12:52, Aktualitet CNA

Në datën 28 mars të 2024, SPAK-u arrestoi drejtorët hajdutë të Erion Veliajt në Bashkinë e Tiranës.

Në prangat e policisë ranë Mariglen Qato, ish-drejtor i Shërbimeve Mbështetëse pranë UKT-së Tiranë dhe Redi Molla, ish-drejtor i Ujësjellës Kanalizimeve Tiranë, ndërkohë pati një urdhër tjetër arresti për Taulant Tushën, i cili ndodhet prapa hekurave për inceneratorin e Tiranës.

Në detyrim me paraqitje u vunë drejtorë të tjerë të Bashkisë Tiranë si Eglantina Zere, Enton Punavija, Deborah Keçi, Julian Zanaj, dhe biznesmeni Nestor Muhametllari.

CNA ka mësuar nga burime zyrtare se ndaj drejtorëve të Erion Veliajt ka filluar hetimi pasuror.

Ky hetim po thellohet me informacione që po mblidhen zyrtarisht për dhjetëra kompani dhe individë të cilët kanë pasur lidhje me drejtorët hajdutë të dosjes “5D”.

CNA ka mësuar nga burime zyrtare se standardi i vendosur nga SPAK-u në lidhje me zyrtarë, të cilët hetohen për korrupsion, për fshehje pasurie e të tjera, ka vazhduar edhe me drejtorët e Erion Veliajt.

Drejtorët e Bashkisë së Tiranës tashmë përveç akuzave në lidhje me kompaninë “5D” do të kenë një hetim të imtësishëm për pasuritë e tyre, si i kanë vënë këto pasuri, cili ka qenë burimi i të ardhurave që ata kanë përdorur për pasuritë e tyre e kështu me radhë.

Mësohet se SPAK-u po ecën me ritme të shpejta për dosjen "5D". Një hetim spektakolar i prokurorit Klodian Braho, i cili zbuloi një grup hajdutësh në Bashkinë e Tiranës, që duket se është më i gjerë edhe sesa personat tashmë të arrestuar apo personat nën hetim.

Është mjaft i rëndësishëm fakti që po hetohen dhe pasuritë e zyrtarëve hajdutë të Erion Veliajt dhe çdo hetim i tillë, në rast se do të zbulohen burime të paligjshme, pasuritë e tyre pritet të sekuestrohen./ CNA





Lajmet e fundit nga