web counter
LEXO PA REKLAMA!

SHKARKO APP

App Store
Google Play

E fundit!

x

Wisner: Ka presion politik te drejtësia, do të ketë më shumë Vetting

10 Maj 2024, 10:52, Aktualitet CNA

Wisner: Ka presion politik te drejtësia, do të ketë më

Përfaqësuesi i ambasadës amerikane në Tiranë, David Wisner, në aktivitetin e organizuar në kuadër të Ditës së Drejtësisë, deklaroi se SHBA-ja është krenare që mbështet drejtësinë në Shqipëri. 

Në fjalën e tij, ai nënvizoi se politikanët duhet të bëjnë më shumë për demokracinë dhe drejtësinë. 

Wisner nënvizoi më tej se duke qenë se ka presion politik, pritshmëritë publike janë të mëdha nga institucionet e drejtësisë.

"Shteti i së drejtës që duhet të jetë në qendër të angazhimeve tona, Reforma në Drejtësi nuk është e lehtë apo perfekte, por të gjithë qytetarët shqiptarë do të jenë krenarë për punën e bërë. Ju dhe institucionet e tjera të pavarura po sillni përgjegjshmëri për sistemin e drejtësisë duke ndërmarrë veprime kundër krimit të organizuar. Sfidat me të cilat përballeni janë të mëdha, ka pengesa dhe do të ketë më shumë vetting. Duke qenë se ka presion politik pritshmëritë publike janë të mëdha. Është me shumë rëndësi puna juaj. Takimi është një shembull se institucionet nuk mund të punojnë vetëm. SHBA-ja është krenare që punon me drejtësinë për të ndihmuar Shqipërinë që të ketë një të ardhme më të mirë. Reforma në Drejtësi është e pakthyeshme. Presim që institucionet në drejtësi të jenë afatgjata, populli shqiptar e kërkon, përpjekjet tuaja për të përmirësuar qeverisjen. Më shumë duhet të bëhet nga politikanët. SHBA-ja do të mbështesë përpjekjen për reforma në përputhje me kushtetutën dhe pavarësinë e gjyqësorit, inkurajojmë më shumë bashkëpunimin për reformat. Është një hap i rëndësishëm për popullin shqiptar. Nuk është vetëm për institucionet e drejtësisë. Shqipëria, SHBA dhe BE kanë besim", u shpreh ai./CNA 





Lajmet e fundit nga