web counter
LEXO PA REKLAMA!

SHKARKO APP

App Store
Google Play

Gazetari - Veliajt: Mos kërko mëshirë me Ajolën

9 Maj 2024, 18:10, Aktualitet CNA

CNA ka denoncuar prej disa ditësh lidhjet e Ajola Xoxës, bashkëshortes së kryebashkiakut Erion Veliaj me kompaninë “Harabel” dhe me inceneratorin e Tiranës.

Pas denoncimeve, mësohet se Ajola është takuar me njerëz të njohur të gazetarit Elvi Fundo, i cili është pjesë e stafit dhe është një nga njerëzit që ka denoncuar dosjen e inceneratorëve dhe famozen “5D”

Ajola u ka kërkuar njerëzve të njohur të gazetarit të mos shkruhet për “Harabel”-in dhe skemat “Ajola-H”.

Pas këtyre ndërhyrjeve, ka ardhur një reagim nga vetë gazetari Fundo, i cili i bën thirrje Veliajt të mos kërkojë mëshirë me bashkëshorten e tij.

Gazetari thekson se kjo është një lëvizje e Erion Veliajt pas panikut dhe llahtarisjes që i ndodhi me thirrjen në SPAK.

“Me inceneratorin, dosjen ‘5D’, tenderat fiktive, abuzimet apo edhe mesazhet te hotelet luksoze që janë vjetëruar në jug, këto kurimet me harabela e rabecka, etj., etj. janë fakte dhe prova që ato prej hekuri t’i kanë tredhur.

Ndaj vëri gishtin kokës, mos përcill mesazhe me Ajolën te të njohur dhe miq.

Ti je një kufomë politike që duhet të japësh llogari përpara ligjit dhe s’ka Enverist e komision anti-SPAK që të bën derman.

Kujdes telefonat, mesazhet, kujtohu për urdhrat.

Boll ushqeve hajdutët, shumë shpejt do u sekuestrohen dhe pasuritë dhe mos fillojnë e cicërojnë si harabela apo rabecka.

Vetëm një këshillë kam: Nën mësimet e nënës parti reflekto dhe bëj autokritikë të shëndoshë në gjirin e kolektivit dhe kolegëve”, thekson gazetari me anë të një statusi në rrjetet sociale./ CNA

Gazetari - Veliajt: Mos kërko mëshirë me Ajolën





Lajmet e fundit nga